好多男人一完事就蒙頭大睡，其實同女伴攬一攬唔單止感覺溫馨，仲可以令佢更加興奮。踏入新一年，大家都想新年進步，如果想喺床上表現方面有進步又可以點做呢？抽送可以引發高潮，但係專家話單係刺激乳頭一樣得。
從好多床上行為研究專家嘅研究結果當中，可以知道要喺床上令女性飽受快感衝擊，高潮迭起，進行充足時間嘅前戲絕對係有必要。前戲好多男人識做亦肯花心機去做，到埋牙激戰亦用盡氣力猛烈抽送，但完事之後就唔會再花多一分鐘理會對方，令女方感到被忽略。最近一個國際性安全套品牌做過一次調查，訪問咗2,400名加拿大女性，以了解一下完事後嘅攬抱對於女性有幾重要，結果發現有71%女性認為事後男方如果可以攬住佢哋6至10分鐘的話，就會令佢哋感到愉快同興奮，點解呢？係咪單純係因為當中嘅溫馨感覺呢？加拿大貴湖大學嘅人類性行為專家Robin Milhausen就表示，女性喺交歡嘅時候，體內嘅催產素水平會上升，呢種賀爾蒙會令女性感到愉快同滿足，而催產素喺剛剛完事嘅時候水平至會達到最高位，呢個時候男士們唔好立即走開，而係攬一攬女方一段時間，就會令交歡時嘅興奮感同滿足感得以延續喇！
即使覺得過去一年唔算枯燥乏味，但係大家亦希望新一年都可以有所改變、有所進步，咁樣大家就一定要坐言起行，唔好只係守株待兔、墨守成規喇！想喺新一年改進一下床上表現，令性生活更加多姿多采的話，一於參考專家意見喇！最近，性健康專家Samantha Evans為英國一個網上媒體撰文，提出多種床上行為建議，幫助大家喺新一年入面增強房事樂趣。首先專家建議大家同女伴分別閉門寫段鹹濕故事，盡量發揮一下大家嘅性幻想，寫好之後就交換欣賞，一來可以作調情之用，二來大家跟住對方嘅幻想嚟做，就可以令對方更為滿足喇。其次係建議女方多為自己發聲以及多做主動，就算做個床上霸王發施號令都唔緊要，因為即使現時女士已經主動咗好多，但係喺床上亦唔多願意出聲，其實男方喺床上亦好享受被女方指揮囉！另外，專家亦建議喺床戰當中加入食物，例如喺大家嘅身體塗少少蜜糖、果醬等，然後用舌頭品嘗，好味又夠刺激。
身體嘅敏感點有好多，除咗下陰之外，耳穴、頸項、大腿內側、腋下等等，當然亦唔可以忘記胸前嘅兩顆乳點啦！好多男人們對於用口舌招呼女方嘅乳點樂此不彼，但係與抽送相比，男士們依然係鍾意抽送多啲。之不過，男士們又有冇想過，其實刺激女性嘅乳點都可以引發高潮呢？性學博士Herbert Ott早前進行過一個研究，搵來213名成年女性協助。博士指出呢批女性當中有29%試過因為乳頭被刺激而達到高潮！博士指出女性嘅性高潮一般都來自於刺激陰蒂，而經過研究後發現，乳頭受到刺激的話，大腦產生相對反應嘅位置就同刺激陰蒂一樣，換言之刺激乳頭可以令女方產生高潮。至於點刺激最好呢？博士話要用溫柔嘅舌尖同手刺激女方嘅胸部，再慢慢到乳頭，乳暈都唔可以忽略，但係最好就係問吓女方鍾意邊種力度、濕潤程度以及動作快慢至可以令佢哋興奮，因為每個女仔嘅要求都唔同，叫女仔示範一次點樣啜、點樣錫更係事半功倍。
撰文：賢