香港人素來都好鍾意睇波，除咗歐洲四大聯賽、世界盃、歐國盃之外，日本職業足球聯賽相信大家都睇唔少喇！提到日職，大家當然會諗起大阪飛腳、浦和紅鑽、名古屋鯨魚等多支足球隊，不過有一位靚女大家一定要記得，佢就係「日職天使」佐藤美希喇！
喺日本好多體育項目可以見到美女如雲，我唔係指當中有好多女選手落場作賽喎，而係唔少比賽都搵到一班美人兒為選手打氣，亦為男觀眾提供無限春光，賽車場上有賽車女郎，拳擊比賽有舉牌女郎，而棒球比賽亦請來唔少女星擔任開球禮嘉賓，身材高挑又豐滿嘅稻村亞美就因為主持一次開球禮，投球出色，姿勢又攞滿分，更被稱為棒球天使，至於香港人相對熟悉嘅日職亦有一位賞目美人，佢就係佐藤美希。23歲嘅美希五官標致，氣質清新甜美，留有一頭及肩髮型更顯爽朗又具活力嘅個性。美希身段婀娜優美，長身得嚟又夠薄身，上圍有一對飽滿E奶，加上一雙修長美腿以及一身白淨鮮嫩嘅美肌，認真誘人之極，男人見到都流晒口水呀！
美希加入寫真界之前，一心諗住做護士，喺2013年修讀護理專業學校三年制課程，但係讀讀吓書又對演藝界充滿憧憬。媽媽知道佢呢個心思，某日喺體育報章中見到「2013 non-no Seventeen Model」比賽，於是鼓勵美希參加。憑住一副好身材及美貌，美希唔單止從20,216位面試者當中脫穎而出成為入圍佳麗，更加氣勢如虹取得比賽冠軍，認真威威！美希自此放棄做護士嘅念頭，全力向藝能界發展。不過，美希唔做白衣天使，卻成為收音機同日職天使喎！因為奪得比賽冠軍之後，佢就以第三代收音機親善大使身份出席公開活動，及後佢由足立梨花手上接過日職女當家名銜，成為第二代日職天使，負責走訪各個日職球賽做採訪及同球迷交流！而美希亦表示自己本身都相當鍾意睇波，程度更甚於食燒肉添！
簡介： 從佐藤美希嘅Twitter可以睇到好多同阿妹工作相關嘅資訊，當中唔少都同日職有關，如果大家亦對日職賽事有興趣，不妨Click入去睇睇，順便同美希交流一下喇。
網址：https://twitter.com/sato_miki626?lang=ja
年齡：23歲
身高：5呎6吋
三圍：32-22-33
撰文：賢