近期中日就南海主權時有爭拗，雖然我就唔多信兩國會爆發戰爭，但係關係搞到咁僵始終都對大家冇益！雙方多作交流、溝通，問題其實不難解決啫。如果兩國要搵人出任交流大使一職，我就建議搵武田華戀喇！因為佢擁有兩國血統，而且喺中國同日本都有好多粉絲，當然華戀生得咁靚女更加可以化解大家嘅戾氣啦！
日本AV界有唔少知名女優都係混血兒，好似Rio、小澤瑪莉亞以及花井麻里沙等等，而寫真界亦有曾經叱咤風雲嘅Leah Dizon，佢係菲律賓與美國混血兒，至於小弟其中一個至愛嘅寫真女郎小林惠美，其外祖母就係俄羅斯人，唔怪得皮膚咁白咁滑且上圍豐滿啦！今日為大家介紹嘅武田華戀亦係混血兒，其父親係日本人，母親則為中國人。兩種血統嘅人大致上分別不大，同時仲有一大特點，就係襟老，好多西方女仔年過二十之後好快就變殘，但係中日女仔則冇咁嘅問題，而且年紀愈大愈有女人味，所以華戀即使已經28歲，依然充滿青春魅力，笑起上嚟仲好似少女咁可愛。華戀嘅身材雖然冇乜「凸出」地方，但係勝在勻稱，各部位都大小適中，令胴體不失曲線美。
華戀嘅星途跟其他寫真女郎不同，因為佢25歲至踏足寫真界。多年前喺十文字學園女子大學畢業之後，佢完全冇諗過拍寫真，只係喺一間服裝店默默咁做一個平凡嘅店員。後來，有朋友大讚華戀生得標致身材亦佳，仲話佢嘅屁股好吸引，不妨去應徵做賽車女郎，呢位朋友真係獨具慧眼，果然畀阿妹投考成功，喺2014年首次喺賽車場上發放性感魅力喇！除咗做車女，華戀亦係女子團體Paybit Angels成員之一。最近，華戀宣告唔再做車女，因為阿妹已經成功進攻內地，剛才提過阿妹嘅媽媽係中國人，所以教識阿妹書寫中文以及講得一口流利普通話，而華戀本身亦對市面睇得好通透，知道去內地掘金至有「錢」途，故華戀成日中日兩邊走，仲用中文嚟取悅內地寫真迷。喺早前某內地大型搜查網站嘅人氣日本模特兒排行當中，華戀成功進佔第四位，排名高過寫真乳神杉原杏璃，證明華戀喺內地相當具人氣，亦人如其名，中華男兒已經戀上佢。
簡介：武田華戀成日會喺Twitter發表最新個人動向，大致上都係最近同班姊妹去邊度飲飲食食，又或者係攝影會嘅花絮，有興趣不妨Click上去睇睇喇！
網址：https://twitter.com/printemps67?lang=ja
年齡：28歲
身高：5呎4吋
三圍：34D-24-35
撰文：賢