做任何事都唔可以過於沉迷，特別係睇鹹片，英國有唔少勃起功能障礙嘅患者就係因為睇鹹片太多。真的假不了，女性擅長喺床上假扮高潮，如果佢哋真係享受其中又會有咩反應呢？一夜情相當刺激，但係對於女性嚟講就唔會太享受，有調查發現一夜情會令女性容易產生不安情緒。
網絡發展蓬勃，令大家尋找同吸收資訊都相當方便，只要有部手機或平板電腦就可以隨時上網搵到想要嘅資訊。而網絡發展亦造福唔少鍾意睇鹹片嘅朋友，因為佢哋足不出戶就可以透過網絡下載睇鹹片，不過，就係因為太方便，大家睇鹹片睇得更瘋狂更沉迷，於是產生唔少問題。英國國民健保制度臨床醫生Angela Gregory表示近年接觸過唔少患上勃起功能問題嘅患者有年輕化趨勢，當中更加有十幾二十歲嘅年輕患者。Angela表示以往接觸嘅患者多數都係上咗年紀嘅男士，佢哋通常都係因為糖尿病或心血管問題而引起勃起障礙。至於年輕患者就唔係因為身體有問題而出現「根太軟」，其中一個原因係睇得鹹片太多。Angela話佢接觸過嘅年輕患者喺發育期就已經睇鹹片，更加達到沉迷嘅程度，仲話班患者覺得睇鹹片已經可以滿足性愛上嘅一切需要，因此對現實中嘅性愛熱中度大減，面對真人對手嘅時候仲會覺得性趣缺乏而未能完全勃起添！嘩！好彩我都唔係睇好多鹹片，大概一個星期五六套咁大把啫。
世界充滿虛假，例如菠蘿包冇菠蘿，老婆餅入面同樣冇老婆，食完又唔會令男人娶到老婆，更加有好多正人君子實際上係真小人。面對咁多現實中嘅虛假，大家好可能冇辦法解決，但係至少希望身邊人可以真誠相對，就算表面上虛情假意都好，至少喺上床嘅時候真情流露！之不過，男人係咁諗，但係女人則不然，唔少調查都顯示出近9成女性喺床上都會假扮高潮，但係佢哋都係出於善意，一心希望男伴得到滿足啫！然而，男士們其實都唔係蠢人，又點會睇唔出女方假扮高潮呢！至於女仔若然非常享受交歡過程，反應又會係點呢？性學專家Coleen Singer就表示有4點可以留意，第一特徵係女方感受到快感衝擊嘅時候會發出與平時唔同嘅叫聲；第二係會同你有眼神接觸；第三係呼吸特別急促；第四就係女方會用手腳夾實你唔放，更加會扭動身體迎合男方嘅動作，甚至用力拉動男方下盤增加進入深度。
每個男人都貪新鮮同刺激，所以不難發現每個嗜好睇鹹片嘅男士，每睇完一部之後就要即刻睇第二部，然後再睇埋第三四五六七部。同樣亦不難發現好多男士即使已經有女友或老婆，都鍾意四圍蒲，睇吓有冇合眼緣嘅女仔能夠發展一夜情。雖然男歡女愛都只係當晚完成，歡樂過後第二日可能形同陌路人，以後都唔會再相見，但係男士們又有冇顧及過女方以後嘅感受呢？心理學教授Leif Edward Ottesen Kennair表示研究發現一夜情最大嘅得益者係男人，佢哋喺事後情緒高漲，另一方亦即係女士則會感到失落，原因係女方大部分都希望上床前建立一定感情基礎，發生一夜情當然就冇乜感情可言啦！咁會令女方喺事後覺得與男方感情上有一大段距離，普遍會出現負面情緒，常見嘅包括極需要安慰、自我價值下降、好想喊、無助以及心情低落等等。建議各位男士唔好亂咁玩一夜情，就算係，第二朝至少都向對方講句早晨，唔好擒擒青着衫走人。
撰文：賢