日本寫真界有唔少女優都係巨股美人，好似秋山莉奈，到近期人氣高企嘅倉持由香，佢哋個屁股都又大又圓，不過屬於佢哋嘅巨股時代將要終結，因為一位巨股新人已經誕生，佢就係岡田Salio喇！今日我哋一齊睇吓岡田Salio個股點吸引法啦！
提到秋山莉奈以及倉持由香兩位巨股日本寫真女郎，佢哋可謂各有千秋，前者精靈美艷，一副笑顏甜到入心，可惜已經嫁人兼添丁。至於倉持由香相較之下個樣就輸蝕得多，面孔本身冇乜問題，但係一對死魚眼就唔係咁討好喇！大家如果想欣賞更多巨股寫真女郎的話，仲有一個好選擇，佢就係岡田Salio喇！今年23歲嘅Salio擁有菲律賓血統，其父親為國爭光，娶咗個西班牙籍菲裔妻子，雖然阿妹個樣唔似菲裔女仔，但係身為混血兒嘅佢氣質獨特，五官標致且冶艷迷人，魅力足以迷惑人心。喺Salio身上亦可以發現菲裔血統影子，肌膚偏向古銅色，同時肉地結實又極具彈性，D Cup上圍夠彈手且充滿吸睛效果，但係其身材注目點就落在37吋巨股之上，呢個股又圓又大，表面光滑無瑕，實在太完美喇！
Salio個巨股吸引力非凡，連事務所嘅社長野田義治見到之後都大讚阿妹個股吸引力非凡，更加表示呢個巨股會將寫真界帶向一個專注肉感靚躉嘅新時代，可想而知阿妹幾咁被睇好，想做未來新星一定冇問題。其實，除咗賣弄性感，阿妹仲有好多才能！Salio曾經去過紐約留學，講得一口流利英文就唔使多提，阿妹喺8歲嘅時候學習芭蕾舞，留學期間亦繼續練習，本來有望參加比賽，可惜受傷患困擾至放棄呢個念頭，但係其舞蹈細胞已經被激活起嚟，對於其他舞蹈亦相當有興趣同研究。Salio近期對武術亦相當熱衷，現正學習空手道，並已經由白帶晉升為藍帶級別，話唔定可以幫阿妹由寫真女郎轉型成為武打女星，造就功夫女王傳奇喎！
年齡：23歲
身高：5呎3吋
三圍：33D-24-37
簡介：岡田Salio喺Twitter經常發放練習空手道時嘅片段，大家對空手道有研究，不妨Click上去同阿妹交流一下武術心得。
網址：https://twitter.com/okada_salio?lang=ja
撰文：賢