近期天氣開始轉涼，秋高氣爽最啱就係去BBQ，享受燒烤之樂啦！早前，日本AV界兩位人氣之花辻本杏以及花蕾率先舉行燒烤大會，兩位女優喺燒嘢食之前仲展開連場炮戰添！事不宜遲，家陣就同大家一齊感受一下當日嘅玩樂實況啦！
秋風起，三蛇肥，進補正係時候，不過，我哋呢類老虎都打死幾隻嘅年輕人就唔使咁早進補，喺秋風漸起嘅時候最鍾意只會做一件事，就係燒烤喇！然而，香港地少人多，郊野公園嘅燒烤爐假日時長期都唔夠用。不過唔使驚，我哋足不出戶都可以享受到燒烤樂趣，呢方面就交畀超人氣AV女優花蕾以及其小師妹辻本杏啦！
早前，花蕾應日本AV新聞網站dxbeppin-r.com嘅邀請，再次進行「與花蕾散步」企劃活動，但係今次唔只得花蕾一個帶大家於國內景點散步睇風景，仲請埋剛剛喺9月尾正式由AV廠teamZERO轉投到S1旗下嘅偶像級女優辻本杏一齊玩。兩位女優都正值人氣高峰，今次兩雌喺若州海濱公園相遇又會發生咩事呢？據悉花蕾同杏妹早前已經合作過，攜手喺深夜成人電視節目《旅行裸》中演出。不過花蕾就話同杏妹只係嗰次見過面，對其印象唔深喎！可能就係因為咁，兩女坐埋一齊貌合神離，氣氛咁差，點算好呀？
兩位女優再咁樣落去，呢個企劃活動仲點做落去呀？好彩，網站所屬拍攝隊伍早有準備，更加深明遊戲可以令人化敵為友，即刻拎出兩部遙控坦克玩具畀佢哋嚟個坦克大戰！花蕾就揀咗架日本國內研發嘅10式坦克，仲話自己雖然對軍備唔熟悉，但係就覺得呢款坦克好可愛。至於杏妹就揀咗前蘇聯生產嘅T-72坦克，兩部坦克都以遙控器操控，雖然唔可以真係發炮，但係炮口有紅外線，坦克車身有感應器，是以就算係打空炮，只要炮口對正對方一樣可以計算擊中次數，而今次進行嘅坦克大戰以打中對方5炮者為勝。兩位女優雖然玩到雞手鴨腳，但係一樣玩得好開心，好似細路仔咁不停呱呱嘈兼且扮發炮聲音。二人玩玩吓仲玩出感情來，有講有笑不知幾投契。最後由杏妹將花蕾架坦克推出野餐枱勝出，花蕾雖然扮晒喊樣，但係亦無損大家感情，花蕾隨後仲指導杏妹燒嘢食添！
為咗今次燒烤，作為師姐嘅花蕾都算落足心機，喺杏妹嚟之前已經準備好一系列燒烤用品，仲特登搵咗架人力車將架生拉過嚟，不過由於花蕾弱質纖纖，拉咗兩下就話冇力，最後由拍攝隊班男丁幫手。杏妹話自己對燒烤一竅不通，而花蕾就一手拎起食物鉗，一手拎起鑊剷扮大師傅教杏妹，仲講笑話自己係《鹹蛋超人》嘅巴魯坦星人喎！花蕾吩咐杏妹要先燒蔬菜，之後燒肉類就唔會咁容易黐住個燒烤架。杏妹照做之後再燒豬腩肉，點知因為豬腩肉油脂四溢，搞到成個燒烤爐起晒火，幸好花蕾及時提醒杏妹，唔係就燒燶晒冇得食喇！
杏妹幸不辱命，大家總算有得食，佢仲同花蕾嚟個激情互鬥，睇吓邊個食腸仔嘅表情最誘惑，呢方面杏妹又點夠出道多年嘅花蕾鬥吖！之後，二女仲玩羽毛球以及拋飛碟，開開心心又一日，下次唔該叫埋我啦！
撰文：賢