南韓美艷嘅性感汽車模特兒有唔少，而喺每年各個車展及賽車場上，都會湧現一班亮眼嘅新進車模，因此要喺車模界屹立多年仍極具人氣，若非有相當本錢實在難以做到，而韓松伊正正係其中一位。
出生於南韓首爾嘅韓松伊，不但擁有高挑身材，三圍更係激凸，尤其係E Cup雙峰，吸引唔少人嘅注目。除咗三圍同樣貌吸引外，佢一對修長美腿同樣誘人，難怪自2010年首次以車模身份喺釜山國際車展中亮相時，成為全場焦點。而佢不但冇怯場，反而表現得非常淡定，其鄰家女孩純情形象更深得大家嘅歡心。自呢次哄動登場後，韓松伊嘅名字紅遍車模界，從此經常喺各大車展中，都會見到佢為唔同汽車品牌站台。除咗活躍於車展外，2011年佢開始喺賽車場上露面，而首個登場嘅賽事就係DDGT錦標賽，自此之後，但凡同車有關嘅活動，都會見到佢嘅芳蹤。但係佢唔甘於只喺車模界發展，冇耐佢以時裝模特兒嘅姿態，喺各大時裝及潮流雜誌上登場，與此同時佢積極向娛樂圈發展，先後喺多個電視綜藝節目中亮相，又客串電視劇嘅演出，不斷作出新嘗試，係令佢嘅演出道路變得更寛廣。
人紅自然多是非，韓松伊亦唔例外，畀人話佢打假波，甚至將佢讀書時嘅相片同依家作對比。面對呢啲是非，佢表示以前的確只有A Cup，經過後天鍛煉同努力，才擁有如此迷人嘅雙峰，佢亦大方分享升Cup秘密，就係每日做適量嘅上半身運動，以及個人自訂嘅豐胸餐單。問到佢又要做模特兒工作又要拍劇，會唔會令佢感到好大壓力？佢就話早就習慣喺壓力之下長大，原來喺著名女子高校讀書嘅佢，為咗獲得好成績，鍛煉成刻苦嘅個性，其後佢喺青巖大學入讀軍事士官系時，呢種刻苦個性令佢輕易面對挑戰，並且提升自信，咁亦說明咗佢初次喺車展中登場表現如此淡定啦。話說回來，畢業於軍事士官系嘅佢，會唔會係個格鬥高手呢？佢笑稱格鬥雖然係課程嘅一部分，但佢最拿手嘅始終係分析，另外步操亦相當唔錯o架！
簡介：睇韓松伊外形成個鄰家女孩咁款，估唔到佢原來畢業於軍事士官系，真係失覺晒！如果大家以為佢只走純情形象嘅話，咁就太唔了解佢啦，事關近年佢經常以性感形象示人，更嘗試唔同嘅造型，希望能夠帶更大家新鮮感。想睇阿妹有咩造型，Click上呢個網啦！
網址：http://cafe.daum.net/modelsong2
出生地：首爾
身 高：170cm
三 圍：34、24、34
撰文：魂