香港嘅屋租貴，舖租仲貴，原來台北亦有舖租愈嚟愈貴嘅問題，至於舖租貴又同當地嘅色情場所有乜嘢關係呢？原來因為貴租，搞到佢哋收入愈嚟愈少。加價？佢哋又驚畀外送茶妹搶生意，結果被迫遷去平租嘅地方，但係咪有生存空間呢？
對於經常到內地玩樂嘅夜遊老手嚟講，囡囡黑面、扮晒嘢、冷言冷語，甚至放飛機等，相信都有唔少體驗。造成呢種情況嘅原因，係由於當時夜遊業發達，喺供不應求嘅情況下，囡囡根本唔愁冇客，故此覺得自己有本錢嘅囡囡就喺玩家面前扮大牌。想投訴咩？夜場經理睬你都傻，而且玩家「哦」多幾句，隨時被人踢走！不過今時今日就唔同喇，喺講求服務嘅大前提下，唔少夜場嘅服務態度都有所轉變，囡囡不但樂於同玩家打好關係，見客人多嘢講，佢就講多幾句，事後仲會問客人服務點改進。至於夜場經理招呼態度亦熱情好多，而當客人對服務有意見時，佢哋亦樂於接受，甚至同客人講聲Sorry。雖然呢種質素上嘅轉變係遲嚟咗啲，但係從正面嚟睇都係一件好事。
最近由於台灣警方進行一連串掃黃行動，對色情業界帶嚟唔少打擊。不過呢個打擊都唔算嚴重，皆因對佢哋嚟講，警察掃得幾勁都及唔上舖租上漲嘅壓力，唔少行內人士表示呢段時間係有史以嚟景氣最差嘅日子。為咗唔想捱貴租，有以新北作為營運基地嘅色情業者，決定將架步遷至毗鄰桃園嘅龜山同迴龍一帶嘅商務大樓，作為新嘅經營場所。由於商務大樓有一定嘅隱蔽性，同埋租金相對嚟講較便宜關係，故此吸引唔少業界人士遷至，尤其係一樓一服務更係多。不過前有去路，後卻有追兵。話說桃園警方早前收到線報，指當地湧現唔少一樓一色情場所，故此早前採取行動，突擊搜查迴龍一幢商業大廈位於15至17樓嘅6個單位，結果查獲3名扯皮條、6名賣淫女同2名玩家，同時搜出性交易帳簿、保險套、潤滑劑等證物。
就算男人唔去偷食，偷食嘅心都會伴隨佢嘅一生，分別在於佢敢唔敢坐言起行。講到滿足男人偷食嘅本性，日本風俗店就至為明白，因此唔少風俗店都以偷食作為主題，吸引想偷食嘅玩家捧場，位於東京池袋嘅「御奉仕關係」更係當中人氣最高嘅風俗店，喺池袋屹立15年，一直以背德人妻作為賣點，深受一班想偷食人妻嘅玩家歡迎。此外，玩法更係相當多，從制服誘惑、情趣用品體驗、主僕情慾角色扮演，以至多P群戰等乜都有。佢仲有一個吸引玩家嘅地方，就係風俗店位於一幢酒店內，除非跟住玩家入去，否則其他人會以為玩家去酒店傾生意，或者去酒店嘅餐廳食飯。由於佔有地利關係，故此成為男士偷食嘅熱點，據風俗店指午飯及晚飯時間，更係生意高峰期。
撰文：魂