喺東方同西方文化中，都可以搵到殭屍嘅身影，只係中國嘅殭屍似喪屍多啲，見人就咬，被咬嘅又會變埋做殭屍。西方嘅殭屍又叫吸血殭屍，英文名Vampire，經過電影同電視劇加油添醋後，變得愈嚟愈浪漫兼外形愈嚟愈潮。話說回來，喺情色字海中，有乜嘢詞語同殭屍及Vampire有關呢？
喺黑麻麻嘅夜晚，見到吸血殭屍四圍走，相信個個都嚇到雞飛狗走，莫非呢度所講嘅「Vampire Run」，就係解做殭屍出動？查實佢有兩個意思，一個係指獵艷男女搵獵物搵咗成晚，直到清晨都冇着落，結果行嚟行去似殭屍咁樣；一個係指男同志半夜出沒搵男伴，佢哋呢種行為亦稱為「Vampire Run」。雖然兩種解釋用喺兩群唔同嘅人身上，但本質都係指出去搵食咁解。講開搵食，早前英國有兩個野戰交友網站Sex With Strangers UK同Swinging Heaven做咗個調查，搵出21個最受英國野戰迷歡迎嘅熱點，結果發現呢21個地方不約而同都係位於英國東南部，而排首位係倫敦南部嘅泰晤士河防洪閘備用停車場。理由係呢個地方環境夠綠化，仲有唔少樹木可為遮擋，因此係野戰首選。
「Vampire」解做殭屍，而「Sex」則指性愛，殭屍瞓多過郁，故此「Vampire Sex」應該係指好似死魚咁嘅性愛？錯！「Vampire Sex」不但唔係指伴侶反應似死魚，反而係泛指所有極為激烈，並且狂野到見埋血嘅性行為。須知道有啲人曳曳時嘅情緒特別高漲，行為變得極為狂暴，而當同屬呢類型嘅男女喺埋一齊，真係會擦出火花，結果喺雙雙見紅嘅情況下達到高潮，呢種狂暴嘅性行為便被稱為「Vampire Sex」。另一個意思大家會覺得更重口味，事關佢可解做當女伴姨媽嚟緊之際，男伴仍堅持為對方吹口琴，情況就好似吸血殭屍咁，因而得到呢個稱呼，係咪好重口味呢？
既然電視劇同電影都有唔少以殭屍為題材嘅作品，又點可能少咗四仔呢？講到呢類題材嘅人氣作品，絕對唔可以唔提由美國四仔廠Sparks Entertainment喺2013年推出嘅《The Vampire Mistress》！呢套作品由公司老細Harry Sparks自編自導，兼且搵嚟Dani Daniels同Lily LaBeau兩位美艷脫星擔綱演出，配合Ariana Fox、Faith Lee Sentz、Darcy Tyler等脫星參演，加上超大投資嘅製作費，打造出色情驚慄嘅強勢力作。講述性感美艷女記者Dani，喺採訪期間誤入吸血殭屍之城「The Vampire Society」，成為殭屍一員嘅佢，究竟要化身惡魔稱雄全世界，定係過住和平嘅生活呢？Dani Daniels憑住出色嘅演出，喺2014年第12屆XBIZ頒獎禮獲得全女班作品最佳女脫星大獎，而作品喺同年舉辦嘅第31屆AVN頒獎禮中，分別獲得最佳特技及最佳化妝嘅提名。
殭屍最標誌性嘅地方，在於佢嗰對長長嘅犬齒，只要一露出嚟大家都叫怕怕。不過喺日本文化中，犬齒不但被稱為八重齒，而女性更以擁有八重齒為美，唔少寫真女優都鍾意露出一對長長嘅犬齒出嚟，而日本AV界亦有以八重齒而聞名嘅女優，佢就係喺1993年1月8日出生於長野縣嘅彩音遙菜。日本著名AV企業北都集團為進軍網絡界，喺2013年開設嘅AV廠商「D☆Collection」，彩音就係旗下首批專屬AV女優。佢擁有唔少日本男士都鍾意嘅元素，笑起嚟夠甜、E罩杯上圍，以及被喻為萌系少女必備嘅八重齒，故此佢喺同年6月所推出嘅AV處女作《Debut 未滿》被寄予厚望，而佢嘅表現亦冇令大家失望，超可愛嘅外形深得AV迷嘅歡心，喺2015年6月佢仲夥拍另外幾位AV女優，組成偶像團體「Marshmallow 3D+」進軍樂壇添。
撰文：魂