桃井遙 大波才女

成日都聽見人話巨乳女波大無腦,其實有好多例子亦有好多研究都顯示出胸大唔一定冇智慧同冇才幹,好似日本AV界經典巨乳女神青山菜菜,除咗玩波玩得叻,寫碟評亦有文采,而寫真界巨乳新人桃井遙亦同菜菜一樣有胸亦有才。

H級導彈

雖然話永冇最好,只有更好,但係小弟就認為日本寫真界永遠都處於最好嘅時代,原因係寫真界美女如雲,多年來不斷湧現新人,加上近年上咗年紀又上晒位嘅寫真女神好似杉原杏璃、熊田曜子、原幹惠等都駐顏有術,出道多年依然保持樣靚身材正,令寫真界完全不缺人才,而最近投身寫真戰團嘅好多都係優質童顏巨乳少女,今日為大家介紹嘅桃井遙就係其中一位喇。

桃井遙今年22歲,十八廿二正係女仔剛剛成熟到最可口嘅階段,遙妹就係最佳人辦,青春貌美,靚女得嚟精靈可愛,仲一派稚氣未消咁款,如果同佢親身見面,分分鐘會忍唔住同佢講聲:「快啲嚟畀叔叔抱抱啦!」不過抱嘅時候一定要小心佢個心口,因為阿妹嘅上圍非同小可,有H Cup咁巨型,畀佢呢對洲際導彈頂一頂,真係唔講得笑呀!

愈來愈索

桃井遙喺2014年出道,得到藝能事務所力捧,之不過當時嘅遙妹係就係身材激凸,但係個樣就唔夠靚,簡單嚟講即係冇家陣咁標致。可能阿妹都知道自己呢個缺點,故努力鑽研美容化妝知識同技術,改善過後,今時今日嘅遙妹果然判若兩人,吸引力大增。

美容化妝知識愈益豐富,令遙妹靚女咗又受人注目之外,仲喺日本多個資訊網站撰寫專題,同大家分享美容化妝心得。另外,遙妹同好多時下女仔一樣,一儲夠錢就會去旅行增廣見聞,不時做背包客出國四圍觀光,所以亦會撰文講吓旅遊經歷。當然,遙妹作為寫真女郎,主要工作都係拍寫真以及開攝影會,而佢最新寫真作品《桃色Distance》已經派街,嚟緊一定會有好多新碟宣傳活動,如果大家想同阿妹見面實有好多機會喇。

桃井遙Profile

年齡:22歲

身高:5呎

三圍:34H-24-34

個人博客

簡介:桃井遙成名之後公開活動特別多,成日都舉行攝影會同握手會,想知道最近遙妹又去邊度做宣傳的話,就一定要(目及)實佢嘅博客喇!

網址:http://ameblo.jp/m0moharu/

撰文:賢