女仔想搵張長期飯票，男仔就想搵個長期飯盒，等下半身有所依靠唔使四圍搵床伴，有調查發現如果男仔想有下一次，就要注意言行舉止。所謂不時不食，要有口福當然要揀時令食材，估唔到大家上網睇鹹片亦受時節影響。女人想得到高潮唔容易，不過以後就唔使怕，做一個手術就可以隨時享受高潮。
所謂有老婆溫大髀，又有邊個想食自己，好多男士唔想娶老婆，但係就想搵個長期伴侶，得閒拍吓拖，去街有個伴，當然最好就係有個固定嘅床戰對手，唔需要自娛咁淒涼啦。正所謂好嘅開始係成功嘅一半，希望可以同對手保持一個長遠嘅床伴關係，咁就要作多方面注意喇。日本網站sirabee.com早前就進行一個相關嘅調查，有11.5%受訪女仔表示最怕對方身上體味太濃，遇到呢種男仔一定唔會有下一次上床嘅機會；17.2%女仔就話唔會同床技差嘅男仔有下一次，點樣差法呢？例如錫錫嘅時候同女仔牙碰牙、愛撫時力度輕重不分等；不過最多女仔唔鍾意嘅都係同言行舉止有關，29.9%女仔好怕對方講賽後報告，例如問女方其床上表現如何。不過，亦有女仔覺得完事之後，男方一言不發大大減低浪漫感覺，各位男士要注意喇！
三月可以話係歐洲人，特別係愛爾蘭最多節日嘅月份，除咗月尾有復活節，上星期仲係愛爾蘭國慶日，亦係令愛國人最鍾意聖帕特里克日（St. Patrick's Day），喺呢個以綠色為主嘅節日當中，大家除咗會着到一身綠油油，仲會飲綠色飲品。由於呢個節日文化傳遍歐洲，喺英國、加拿大、美國亦廣為人所慶祝，而大家慶祝嘅方法仲唔只係出街，喺屋企上網睇鹹片一樣得。知名鹹片網站Pornhub最近就發現，臨近聖帕特里克日，特別多網友喺網上以「St. Patrick」作為搜尋字眼嘅人數急增60倍，相信有好多人希望睇到相關主題嘅鹹片以應佳節！另外，以「Ireland」搜查嘅次數亦勁升6倍，睇嚟大家都好鍾意呢個愛爾蘭節日喎！
我一直都好希望女士們可以真正同男士生理上處於平等階段，能夠好似男性一樣咁容易就獲得高潮，早前就有人研發女性用嘅偉哥，然而暫時仲未有咩新消息。不過，女士們最近有佳音喇！因為一個新發明令女性只要按一下掣就可以得到性高潮。Orgasmatron係一款殖入人體嘅裝置，只要動手術將儀器殖入體內，再連接到脊椎嘅神經線之後，透過手機軟件進行操控，一按掣就可以令自己欲仙欲死，高潮一浪接一浪。儀器由美國麻醉師Dr. Stuart Meloy負責研發，原意係想藉此解決痛症對病人嘅影響，點知原來可以引發女性高潮。有關方面就表示儀器有待美國食品藥品監督管理局審批，睇嚟好快就可以上市。
撰文：賢