正所謂「唔怕生壞命，最怕改壞名。」的確，對於演藝界人士嚟講，一個簡單又易記嘅名字真係好有幫助，令人一聽就已經記入腦，好似內地索模小九咁，相信大家以後都會記得佢。
22歲嚟自江蘇蘇州嘅小九，呢個藝名認真夠特別，雖然佢冇解釋點解要改呢個名，但從佢嘅網名Vin999嚟睇，可見佢對「九」呢個數目字情有獨鍾。小九於上年出道，渾身上下散發出青春氣息，然而，喺模特兒界呢類青春可愛嘅囡囡有好多，阿妹憑乜嘢突圍而出呢？原來佢出道初時，以成熟風格拍攝寫真，不過外界反應麻麻，及後佢改變形象，換上蘿莉造型登場，即時引起大家嘅注意，事關佢散發出一股可愛魅力，將男人嘅心完全融化，極具治愈效果。
縱然業界內有唔少可愛女模，但係講到真正發自內心嘅純真，只有小九才做得到。自此之後，令佢人氣極速攀升，而且工作接踵而來，從拍攝雜誌封面到參與廣告演出都有佢份，更經常喺各大時裝騷亮相，真係忙個不停。試問大家點估到阿妹改變形象後，令事業有咁大轉變呢？
除咗模特兒工作外，小九亦向演藝界發展。不過，唔少人認為佢從未有拍戲經驗，邊識做戲吖！的確，佢係冇經驗，但憑住努力，結果演技備受讚賞。話說上年佢演出人生首部電影，令佢心情既緊張又興奮，拍攝嘅時候，唔係忘記對白，就係動作僵硬，因而要頻頻NG。佢決定諗方法令自己冷靜落嚟，並投入角色去演，結果表現得相當流暢，更獲得導演讚賞。
早前佢喺網上做直播節目，藉以提升自己嘅表現及應對技巧，同時可以同粉絲拉近距離。好似有網民表示以前覺得模特兒都係虛偽嘅人，但經過接觸後，發現小九不但性格率直又純真，而且仲相當搞笑，結果成為阿妹嘅粉絲。
對於未來喺演藝界嘅發展，小九認為自己仍有好多不足嘅地方，為咗提升能力極限，希望將來會遇上更多挑戰，讓佢不斷進步同成長。當然，佢唔會放棄模特兒工作，推出更多寫真，回饋粉絲嘅支持。
簡介：小九呢個藝名相當特別，外形同樣吸引，前凸後趷嘅身材配合青春純真嘅氣質，演繹出健康性感嘅味道。喺欣賞佢迷人外表嘅同時，其內心世界亦有唔少值得發掘嘅地方，等待粉絲深入認識佢。
網址：www.weibo.com/vin999?is_hot=1
出生地：江蘇蘇州
身高：165cm
三圍：33、23、33
撰文：魂