松嶋愛理極上誘惑

所謂人無完人,金無赤足,世事好難有完美嘅人同事,即使係極品美人輩出嘅日本寫真界亦係一樣。之不過,整體上未臻完美唔重要,最重要係其中一個範疇達到完美級數,好似人氣持續上升嘅松嶋愛理咁,個樣未算絕色美人,但係講到身材就足以橫掃寫真界喇!

超級辣偈

如果大家有留意近期小弟為大家介紹嘅日本寫真集,都會發現有一位寫真女郎出場次數相當多,冇錯,就係近年最深得我心嘅染谷有香喇!有香擁有一副堪稱為「寫真界最強Body」嘅胴體,除咗有G奶同23吋纖腰,身高5呎10吋,可以話係近年難得一見嘅寫真界高妹。之不過,日本寫真界人才輩出,論身材有香確係一絕,不過唔係話贏晒,因為仲有松嶋愛理。

今年23歲嘅愛理身高雖然冇染谷有香咁高,但係亦有5呎7吋,仲有一雙修長美腿。另外,愛理上圍對F奶雖然與有香嘅G奶差一個Cup,然而豐滿且富有彈性嘅質感卻更勝一籌,更重要嘅係愛理身材纖巧得嚟帶點結實感,火辣程度足以稱霸日本寫真界!

最愛射擊

愛理擁有一副高挑又火辣嘅胴體,即使個樣唔算係絕色美人,喺2014年出道以來人氣一直高企,據悉阿妹嚟緊有機會喺電視螢幕演出,大家拭目以待啦。愛理出道以來曝光率都算高,除咗拍寫真,亦有做過綜合格鬥比賽嘅舉牌女郎,攝影會亦舉辦過唔少次。然而,愛理表示暫時保持現狀就足夠,因為怕太忙碌會影響到佢過慣咗悠閒自在嘅生活。

愛理熱愛運動,每日都保持步行習慣,得閒就去游水,佢仲話想參加三項鐵人比賽添。此外,愛理亦鍾意玩射擊,平時佢會同阿媽阿哥打War Game,有前無後打死罷就正係其作戰風格,然而,正因為愛理不時勇過頭係咁衝,有次就畀阿哥故意射佢引以自豪嘅屁股作為懲罰,唔知阿妹個Pat Pat痛唔痛呢?

個人博客

簡介:松嶋愛理現時工作唔多,大家Click上其博客就可以見到佢生活得幾咁悠閒自在,當然仲可以欣賞到阿妹嘅自拍靚相,火辣又性感,愈睇愈吸引。

網址:http://ameblo.jp/eimi-matsushima/

松嶋愛理Profile

年齡:23歲

身高:5呎7吋

三圍:34F-23-34

撰文:賢