華村明日香索到破格

想成功需要三分天才加上七分努力,不過如果能夠靠父幹的話,以上嘅全部都係廢話。當然冇富爸爸但生得靚仔靚女嘅話,一樣可以贏在起跑線上,好似華村明日香天生一副美人胚子,生得咁靚女就梗係獲得破格提升啦!

天然美乳

日本寫真界有好多美人好年輕就出道,唔少仲未夠18歲添!但係欣賞佢哋嘅寫真演出總係覺得心有戚戚然,原因係自小就有好多長輩教我哋千祈唔好對未成年少女有咩幻想,所以小弟對寫真女郎嘅接受年齡最低限度都係18歲,而近年就有唔少18歲卜卜脆嘅美人畀我哋好好用眼品嘗,當中最出名就一定係上年剛滿18被稱為「千年一遇之美巨乳」嘅淺川梨奈啦!除咗佢之外,仲有一個優質好選擇,呢位就係華村明日香喇!

華村明日香雖然樣子帶點幼嫩稚氣,但同時散發出一份優雅綺麗氣質,相比淺川梨奈嘅一臉可愛萌味,明日香就顯得冇咁單調,亦值得從多角度觀賞。至於身材方面,身高5呎6吋嘅明日香纖巧高挑,上圍仲有一對渾圓而堅挺嘅天然美乳,配埋桃子形美尻,渾身都充滿曲線美,由頭到腳都值得細意欣賞。

特快上位

華村明日香現時嘅曝光率都幾高,喺雜誌封面又見到佢,喺電視節目一樣可以見到佢嘅身影,不過大家唔好以為佢出道後默默耕耘咗一段日子喎!原來明日香喺上年至由家鄉山形搬到東京升讀大學,繼而被藝能事務所星探發掘,以優厚條件成功利誘明日香簽約加入藝能界。明日香天生麗質,身材又高挑婀娜,令寫真業界為之驚艷,第一份寫真工作就已經係幫雜誌《Weekly Playboy》拍封面照,據聞該雜誌首次破格選用新人做封面女郎,故明日香被稱為「寫真界破格之新人」。第一次演出就做封面當然威威啦,而阿妹另外一單威水史就係參加選美活動「Gravure Japan 2017」成功奪得新人獎喇!

明日香喺寫真界發展順利,亦獲得好多主持電視節目嘅機會,以親切甜美嘅面孔成功入屋。形象親切又鮮明嘅明日香最近仲得到家鄉山形縣警方賞識,搵佢擔任一日特殊欺詐防止大使,負責教導同提醒大家點樣處理疑似電話詐騙,為公益出一分力,抵讚!

社交網站

簡介:華村明日香每日工作之後都會將當中嘅花絮照片放上社交網同大家分享,另外亦會透露未來工作動向,想了解更多明日香的話就唔好錯過喇!

網址:https://ameblo.jp/hanamura-asuka/

華村明日香Profile

年齡:18歲

身高:5呎6吋

三圍:34-24-35

撰文:賢