年輕小伙子有氣有力又得意，但係如果有得揀，原來女士們唔會揀佢哋作為床上對手。外國大學生一向都好開放，而喺英國邊一個地方最多開放嘅大學生呢？睇四仔已經成為好多外國人嘅生活習慣，最近就有鹹網進行統計，研究網友最鍾意喺邊個時間上網睇四仔。
所謂我思故我在，如果有女仔話我成日有咁多性幻想，我就會即刻一句「質」埋去男人有性幻想好正常。另一方面，女仔其實又何嘗冇性幻想呢？至於女仔有乜性幻想呢？從早前喺《性醫學期刊》公布嘅一個調查就可以搵到答案喇。呢個調查邀請到799位成年加拿大女性協助，目的係睇吓佢哋對性愛有咩憧憬以及口味係點樣。真係唔講唔知，原來有逾半數，即有56.5%受訪女性表示希望可以嚟個多男或多女嘅團體床戰！至於拘束性愛有亦52%表示想一試；有49%表示想同從不認識嘅異性上床，原來咁多女仔鍾意一夜情！仲有12.5%表示會叫鴨。此外，女士們亦比較鍾意成熟嘅對手，皆因有18%受訪女性表示唔鍾意同年紀比佢哋細一截嘅異性上床，可見麻甩佬相當有市場。
喺香港讀得上大學可以話係光宗耀祖，不過喺外國讀大學就相當普遍，而外國大學嘅學園文化比香港亦大有不同，對男女關係嘅睇法開放得多，就以英國大學生為例，有統計顯示佢哋嘅性生活相當多姿多采。「Shag At Uni」係目前英國大學生熱門瀏覽嘅約會網站，正確嚟講應該係約戰網站先啱，因為好多大學生都透過呢個網同其他大學生預約性戰。根據網站統計，英國眾多大學生當中，登記用戶最多嘅城市就來自諾定咸，有成1,477咁多，其次就係列斯有1,410人，第三位係牛津有1,389人。另外，一位22歲就讀諾定咸大學嘅大學生表示佢哋嘅性生活相當精彩，仲話一位新嚟嘅大學生平均只係要兩個星期就可以同一打女仔上床，嘩！我都儲定錢去當地進修一下先喇。
外國人上網睇鹹相鹹片已經成為常態，都係多得歐美四仔界近幾年銳意進軍網絡，另一方面亦多得Pornhub呢個鹹網。早前小弟喺本欄提及過，Pornhub為2015年作一個總結，最近亦有陸續發表上年嘅統計結果，部分仲相當有趣。統計結果得出，瀏覽網站最多嘅係美國人，其次係英國人，第三位就係印度人。咁邊一個時段最多人上網睇鹹片呢？晚上9點至凌晨12點嘅時段瀏覽人數往往到達全日高峰。之不過，奇怪嘅係，晨早6點以及下午4點瀏覽人數會由低谷當中漸漸回升，Pornhub就話晨早嘅升勢可能係大家一早起身準備返工，之前有空餘時間就上鹹網睇吓有冇新片。至於下午4點相信係一班白領一族通常喺呢個時間已經完成手頭工作，換言之即係等收工，呢個時候梗係睇四仔嚟打發時間啦！
撰文：賢