外岡好梨花寫真奇葩

喺日本寫真界好似杉原杏璃、原幹惠呢類怪物級巨乳寫真女郎雖然實力強橫,不過其寫真DVD銷售成績未必及一位纖瘦型女優,佢就係外岡好梨花喇!呢位妹妹仔有咩咁巴閉?即刻同大家睇一睇!

微乳青春味

喺社會做事唔係話靠大就可以話晒事,上司雖然職位高又有權,但係如果小職員聯合起嚟一樣可以搞到上司頭都痕,甚至成功創造下克上奇迹,將上司推翻,小弟近年最鍾意睇嘅日劇《半澤直樹》當中嘅男主角就係咁成功喇。日本寫真界同樣唔係女優恃大行兇嘅地方,唔少人氣女優屬微乳級數,靠自身濃厚魅力一樣能夠成名,寫真作品有理想銷量成績,好似外岡好梨花就係最佳例子喇!

好梨花青春活潑,甜美得嚟帶點調皮精靈,做佢男友肯定日日都有驚喜,亦唔會無言以對。身高5呎2吋嘅好梨花身材屬於纖瘦型,上圍係就係冇乜肉,但係腰肢夠幼,令其身材顯出誘人曲線美,而且肌膚白嫩,配合稚氣面孔,強勁嘅青春味猶如檸檬一樣令人品嘗一啖就醒神晒!

放膽賣肉

外岡好梨花家陣24歲算係相當年輕,不過佢其實喺9年前,即係15歲嘅時候已經加入藝能界,據講9年前好梨花同阿媽去涉谷行街嘅時候就遇上星探,自此踏上演藝之路。好梨花好快就成為偶像團體「IDOLING!!!」嘅成員之一,除咗隨團體四圍登台,亦以個人身份推出單曲;另一方面,好梨花形象甜美又清新,喺影視界相當吃香,作品包括電視劇《抓住明天的光》、電影《原宿丹尼爾》等,而阿妹演出嘅時候唔似得其他寫真女郎咁行行企企連名都冇,佢喺作品當中除咗有名有姓,亦佔唔少戲份。

好梨花另一個威水嘅地方係推出嘅寫真DVD相當受歡迎,叫好又叫座,作品喺2009年曾經兩次登上「月刊偶像DVD排行榜」冠軍位置。上年10月好梨花離開「IDOLING!!!」作獨立發展,除咗喺舞台上演出,更會加強喺寫真界嘅曝光率,將會加大力度賣肉,好期待阿妹有突破性演出呀!

外岡好梨花Profile

年齡:24歲

身高:5呎2吋

三圍:33-23-33

個人博客

簡介:外岡好梨花脫離「IDOLING!!!」之後活動多多,如果想了解阿妹最新嘅動向,睇佢個博客就一定冇錯,想欣賞埋阿妹嘅性感靚相,更加冇問題啦!

網址:http://ameblo.jp/tonooka-erica/

撰文:賢