男女相處講求真誠對待，不過有時太誠實又唔係咁好，例如女友問你有冇試過去嫖，明明係有去過撳鐘仔都要死口話冇啦！雖然呢個答案唔係個個相信，但係對方至少都會受落吖，最多之後送番份禮物補數。至於睇寫真集，最好就梗係寫真女郎剝到盡，展露最真材實料一面，而睇情色小說，故事幾假都唔緊要，最重要就係有大量色情元素，咁至令人睇得興奮。
推銷啤酒嘅啤酒女郎好多都美艷迷人，否則又點迷倒一眾目標客戶，即係嗜酒猶如飲水嘅麻甩佬幫襯呢？喺日本，啤酒女郎最常出現嘅地方之一就係球場嘅觀眾席，近期喺寫真界同藝能界都發展如意嘅小野乃乃香，原來曾經做過啤酒女郎。今年24歲嘅乃乃香喺3年前挾住東京巨蛋啤酒銷售第一啤酒女郎嘅名堂殺入寫真界，老實講阿妹做啤酒妹真係浪費，原因係佢甜美可人，一副33E-23-33火辣豐滿胴體，拍寫真益街坊仲好啦！除咗喺寫真界人氣高企，乃乃香亦成為電影界寵兒，近期演出嘅電影有《咒怨-The Final》。至於最新嘅寫真集就係《開放》，阿妹表示以前嘅演出都唔夠真，喺今次呢本寫真集當中將會流露最真實嘅一面。拍攝嘅時候，乃乃香嘅衣着又少又薄，仲勁玩濕身誘惑，將驕人身材嘅線條表露無遺，仲有幾幕全裸演出，雖然有遮掩重要三點，然而大部分胴體大家都會欣賞得到，視覺刺激相當強勁。
書名：《開放》
售價：約HK$190
秘書撞花咗波士架車點算好？你以為肉償咁簡單？原來係大刑侍候先解決到呀！情慾小說《My Kinky Boss》題材簡單直接，但情節扣人心弦，加上食正今期愉虐熱潮，難怪咁多巴絲打爭住睇啦！故事講述一位公司小秘書Maria借咗靚仔CEO架超跑遊車河，點知中途撞花咗，Maria即刻通知波士，返到公司後，靚仔CEO無炒阿妹魷魚，反而提出另類賠償方法，就係要求Maria去佢嘅度假屋做一啲簡單工作，阿妹以為有運行便一口應承，原來係噩夢嘅開始！
可能大家都估到劇情發展，最值得一睇係女作家Marguerite de Lyon描寫變態波士深藏不露，同時驚青秘書既擔心無咗份工，又唔可以得失老闆嘅心態。最終Maria去到度假屋打掃，期間發現有道房門重門深鎖，好奇心驅使下摷鎖匙開門，竟發現入面滿布愉虐道具，好戲在後頭，突然間CEO殺到，驚青女秘書嚇到反鎖自己喺房內，你估CEO又會唔會發現，而阿妹下場又會係點呢？
書名：《My Kinky Boss》
售價：約HK$47
每當男人床上表現唔好時，總會有一大堆理由，喺種種所謂理由當中，同體能下降有關嘅理由更係佔絕大多數。究竟體能同美滿性生活之間嘅關係，係咪真係咁重要呢？日本婦產科醫生兼大學講師宋美玄，喺佢嘅著作《女醫師教你 永遠享有美好的性愛！不論幾歲都能享受愉悅的性生活》中，稱男女不論任何年齡都可享受到美妙嘅性愛，而當中最重要嘅要素並非兵器大細，或者係體能，而係感官。佢表示：「我希望所有男性都務必要好好磨練感官才行。」道出感官嘅重要性。但係乜嘢叫做感官呢？大家唔使心急，全書會根據呢個主題進行細述，分別係「讓五感與大腦來達到愉悅性愛」、「探訪性感帶」、「今晚就能做的愛情按摩」、「學習大人的插入與體位」同「ED與其對策」。部分仲會圖文並茂介紹練習方法，等大家能夠更易掌握到箇中秘訣。如果想喺任何年齡都可以享受到令人難以抗拒嘅性生活嘅話，呢本書絕對值得大家參考。
書名：《女醫師教你 永遠享有美好的性愛！不論幾歲都能享受愉悅的性生活》
作者：宋美玄
譯者：高淑珍
售價：約HK$63
撰文：賢、祖、魂