今日換一換地方，搵嚟中國同日本嘅靚女進行鬥Chok，分別係日本代表小林優美同埋中國嘅代表李晨熙，而佢哋都有一個共通點，都只係22歲，喺呢個關鍵性時刻，佢哋要點樣定位走自己嘅人生呢？就從三方面比較一下吧！
出生日期：1988年10月16日
三 圍：35-26-36
身 高：170cm
工作資歷：北京電影學院嘅舞蹈系學生，畢業後全力在娛樂圈發展，早期由於人氣一般，多客串模特兒工作，但由於身材出眾，照片出街後，成為網友追捧嘅對象，近年拍過多部影視作品，最近更與香港影視紅星洪金寶合作《蔡李佛拳》一片。
出生日期：1988年11月26日
三 圍：33-22-33
身 高：167cm
工作資歷：早年做過雜誌少女模特兒，2009年成為朝日啤酒代言人，人氣一時無兩，之後拍過兩套電視劇，雖然都是綠葉角色，但十分討好，獲一致好評，而寫真DVD係佢嘅主要戰線，總共出過三張，每張都有不俗成績，人氣度一直保持高企。
22歲嘅女藝人，很快就唔可以再走少女路線，所以一定要有成熟性感嘅外表，呢一點十分重要，而小林優美喺呢方面就比較輸蝕，因為佢一直都以清純為賣點，要佢突然走狂野性感路線，睇嚟會比較吃力，而且身材方面都蝕底好多，最驚佢強行性感，吃力不討好仲大件事。而李晨熙就唔同啦！佢樣子成熟，加上身材出眾，擁有35吋巨乳，只要少少變裝，就可以輕鬆走上性感狂野嘅路線，加上噴血度極高，一定可以令粉絲尖叫，所以呢一場比鬥，李晨熙佔優，先贏一局。
第二局就比試人氣，論人氣，小林優美絕對一馬當先，事關佢自出道以來，工作量唔多，但人氣高企，主因係佢嘅外表十分討好，深得粉絲嘅支持，加上緋聞唔多，所以粉絲一直對佢不離不棄，亦因為咁，所以佢接拍廣告或者硬照都有好高嘅叫價能力，但李晨熙就冇咁好彩，由於內地模特兒數以十萬計，要保持人氣，就要不停接工作，除咗接廣告或硬照拍攝之外，仲經常出席活動，人氣雖然唔錯，但叫價能力始終較差，這一局明顯係小林優美贏出。
對於未來發展，小林優美暫時都冇乜打算，好似仍在觀望階段，好少對外宣布有啲乜嘢具體嘅大計，但李晨熙就唔同，佢話要全力拍電視電影，而且唔怕辛苦，想走動作功夫女星嘅路線，果然話咁快佢就有機會同洪金寶合作拍電影，據講電影出街後，李晨熙嘅演出大受好評，證明靚女又打得，相信好快又有動作電影會搵佢主演。當然，如果李晨熙肯賣弄身手嘅同時，騷埋驕人嘅身材，相信唔走紅都唔得，事關打女都有唔少，但既性感又打得嘅，就真係唔多，呢局李晨熙勝。
金多保：我就喜歡小林優美多啲，因為佢十分清純，特別係扮可憐時，惹人憐愛。
小小張：我係李晨熙嘅粉絲，因為佢有35吋巨乳，單係呢點，我就要永遠支持佢。
聖意濃：兩個都唔錯，但要揀性幻想對象，咁當然係李晨熙啦，貪佢有揸拿吖嘛！
撰文：峰魂簫