以前老師成日都勉勵我哋要好似小草一樣，即使只係藏喺一條狹窄嘅石隙當中，只要有毅力亦可以茁壯成長。
小草嘅成長故事我就唔會用嚟勉勵後輩喇，用大場美奈呢位巨乳美少女就一定大派用場，其堅毅不屈嘅精神的確好值得大家敬佩。
所謂人有相似，物有相同，藝能界有唔少明星都生得好似樣，好似搞笑能手就同女食家生得好相似，二人更加不時拍檔演出添！喺日本藝能界一樣有相似嘅女星，磯山沙也加以及川村由紀就好似兩姊妹，而今日為大家介紹嘅大場美奈則同堀北真希十分相似，但係如果畀我揀，就一定會揀美奈，因為佢身材好好多囉！今年23歲嘅美奈青春嬌美，一對充滿神采及水汪汪嘅大眼睛絕對係一個賣點，不過有更多人認為美奈嘅賣點在於同人氣偶像堀北真希好似樣。美奈生得細細粒，身高僅得5呎，但係小巧嘅胴體上卻有一對為男人帶來視覺震撼嘅E Cup美巨乳，身材如此激凸，難怪成功脫穎而出啦！
據講大場美奈自細夢想成為美少女偶像歌手，為咗練習歌藝，佢不時一邊睇電視一邊模仿歌手又唱又跳。自以為能歌善舞嘅美奈，2007年膽粗粗去面試做AKB48成員，最後失敗收場。一年之後，美奈有備而來，可惜喺AKB48招募第7期成員嘅選拔當中又再失敗。不過，美奈一向性格堅毅強悍，絕對唔會咁容易認輸，再接再厲去面試，終於畀美奈夢想成真，成為AKB48第9期成員，亦同時係成員中最年長嘅一位。美奈喺團隊當中表現受人讚賞，人氣亦相當高，然而阿妹卻不滿足於此，一於學其他AKB48前輩咁向水着界發展。為達到目的，美奈再一次發揮努力不懈嘅女強人本色，勤做運動收身，原來阿妹以前嘅身材好似《Keroro軍曹》入面嘅軍曹一樣下身肥胖。最後，美奈嘅努力冇白費，其巨乳級誘人身材令佢成功於水着界發圍。
簡介： 大場美奈會將大量隨AKB48演出時拍下嘅花絮上載到Twitter，大家Click入去就可以分享到美奈喺演出時同演出後嘅心情，粉絲們一定唔可以錯過喇！
網址： https://twitter.com/mina_ovo
年齡：23歲
身高：5呎
三圍：34E-24-33
撰文：賢