不論喺日本動漫或遊戲作品中，男獸人唔係做炮灰角色，就係大配角。不過日本成人遊戲商SPEED今次卻相當大膽，以男獸人作為遊戲嘅重點，推出《獸人與魔女～Orcland Saga～》。據講佢哋除咗睇中獸人嘅野性外，最重要就係欣賞佢超凡嘅體格，配合埋性感迷人嘅魔女，又真係幾有睇頭喎！故事發生喺獸人被人類所厭惡、避忌同辱罵嘅年代，當時被人類睇唔起嘅獸人男主角拿巴塔夫遇上一個魔女，對方對佢作出一個預言及承諾，魔女話：「當你長大後，呢個國家會同人類展開戰爭。如果到咗嗰時，你同人類戰鬥中取得勝利嘅話，我就實現你嘅願望。」十幾年過去，正如魔女預言一樣，獸人同人類發生大戰，而少年獸人拿巴塔夫則以獸人族王子身份，指揮獸人同人類打仗。為咗可以展現獸人領導者嘅雄風，佢更對人類女俘虜百般凌辱，只係估唔到原來佢細個時嘅願望，竟然係想成為人類！面對戰爭白熱化，決戰時刻即將到臨，拿巴塔夫成人之路究竟能否實現呢？