上床需要雙方你情我願，不過日本就有調查顯示，有四成女仔曾經喺唔願意之下最後都答應上床。大家都覺得性病可怕，之不過唔少人對此有好多謬誤，請專家解答一下大家嘅疑問啦。唔少外國女仔都對港男有好感，認為港男對異性相當有禮，不過上到床就未必要如此斯文，因為大部分女性都鍾意激烈床戰氣氛。
近期網上有單新聞係講一名熱愛打機嘅男子，長期冷落女友，即使女友百般挑逗，自拍火辣性感照亦難以引起男友嘅性衝動，最後女友決定分手，各界網友都大鬧此男暴殄天物唔識好好愛惜呢位索女友。其實喺對方唔願意嘅情況之下百般要求上床又係咪一個促成交歡嘅好方法呢？日本一個調查透過網上問卷，訪問咗1,400名男女，問佢哋有冇試過遇到伴侶以外嘅人主動求歡，男士當中有五分之一表示試過，至於女士比率更高少少，約有四分之一試過。而調查同時發現，曾經遇到其他男人求歡嘅女士當中居然有四成抵受唔住對方嘅誠意，因而接受對方嘅請求，睇嚟大家不妨學習一下網絡界當中嘅跪求方法，睇吓會唔會提高「得米」機會喇。
生命誠可貴，做乜都要安全第一，即使係尋求快樂，亦千祈唔好搵條命仔嚟博，世界上就係有唔少人樂極生悲賠上性命，冇咗條命之後仲要畀人恥笑行為白癡，你話係咪唔抵先！享受閨房之樂當然亦要注意安全，為人為己都要預防性病傳染。英國相關方面早前發表報告指出2014年新增44萬個性病確診個案，當中有20萬個案係染上梅毒。醫療測試器材公司嘅總裁Brigette Bard就話畀大家知公眾對性病謬誤同相關知識，好多人以為洗乾淨之後進行口舌就安全，但總裁就話絕對唔係，除非男方有戴安全套，否則直接口舌都有機會感染性病，特別係淋病。至於接吻又安唔安全呢？總裁表示接吻唔係傳播性病嘅主要途徑，但係可以感染感冒。咁廁所板又有冇機會傳染性病呢？總裁話好多性病病毒都唔可以暴露於空氣之中，離開人體就會死亡。
撰文：賢