以前落D男士們嘅焦點，除咗實舞池中嘅索女，當然仲有舞台上嘅性感Dancers，家陣仲有多個景點，就係喺DJ台打碟嘅惹火女DJ。內地人氣模特兒郭鈴茜，不但擁有姣好身材，更係打碟高手，絕對係非一般嘅專業模特兒。
嚟自哈爾濱嘅21歲模特兒郭鈴茜，英文名Ulrica。嫌個英文名發音繞口嘅話，唔緊要，皆因你見到佢個樣加埋一對激凸車頭燈，一定會留下深刻印象。事實上，鈴茜憑住天賦好身材，注定食模特兒呢行飯，唔單止個樣夠索，有前有後，加埋178cm高挑身材，名副其實係標準模特兒體格。雖然鈴茜條件優秀，但係佢嘅成功係靠後天努力，曾參加首屆私人飛機模特大賽並奪得冠軍，又喺環球旅遊美王后選美比賽中獲得最佳身材獎，足以證明佢嘅成功並非僥倖，而係憑個人實力奪得。喺比賽得到優異成績後，令佢嘅模特兒事業有飛躍嘅發展，除咗頻頻推出性感寫真集外，又喺拳擊比賽中擔任比賽女郎，此外，佢經常喺婚紗騷、車展、時裝騷、化妝品騷、洋酒騷等行Catwalk，絕對係個全面嘅模特兒。
其實模特兒只係鈴茜其中一個身份，事關佢每晚都會化身成專業嘅Party DJ。阿妹自細對音樂有濃厚嘅興趣，從事模特兒工作期間，喺偶然機會下結識到一位專業DJ，於是跟對方拜師學藝，一來滿足佢喺音樂領域發展嘅夢想，二來又可以挾住性感模特兒嘅名氣，成為的士高炙手可熱嘅DJ。須知道，的士高係男女狂歡之地，有個咁性感嘅女DJ坐鎮，兼獻上精彩嘅狂野節拍，輕易激發出玩家嘅野性。經過一段時間歷練之後，就連佢自己都估唔到，不但累積咗一班粉絲，甚至有唔少人專程去捧佢場。喺DJ界所獲得嘅成績，對佢有極大嘅鼓舞，早前佢就展開巡迴音樂騷，喺全國各地唔同嘅的士高演出。可能有人會問，喺呢段日子內，鈴茜咪要丟低模特兒嘅工作？阿妹喺個人微博上無奈地表示，為咗追求夢想，同埋想多啲人認識佢嘅音樂造詣，暫時只能將大部分嘅時間放喺音樂上。不過佢仍會盡量抽出時間拍攝寫真，好似早前佢就推出咗最新嘅性感寫真集，真係辛苦晒！
簡介：如果話模特兒工作屬於靜態嘅話，咁DJ工作則屬於動態，而從呢個角度嚟睇，便會發現郭鈴茜係個動靜皆宜嘅索女。其實從佢喺個人微博上嘅分享，亦唔難發現佢呢種特質，無論有乜嘢開心或辛苦事，佢都唔介意同大家分享。如此親民嘅親度，難怪吸引咁多粉絲啦！
網址：www.weibo.com/guolingxi1993
出生地：哈爾濱
身高：178cm
三圍：35、24、35
撰文：魂