渡海濠情：前度男友 難捨難離
早前陝西有男子報警話自己十四歲嘅兒子去按摩店，被對方引誘進行性交易，消息一傳出，間按摩店就被查封，但後嚟發現呢個男人竟是按摩店嘅前老闆，當中故事真係撲朔迷離，嚟自十八桑拿嘅阿寶就話：「可能唔捨得呀！」
變本加厲
阿寶話：「我同前男朋友分手之後，佢都係一模一樣，不斷咁做啲小動作，例如去我屋企話要攞番啲濕星嘢呀！或者有我嘅東西留咗喺佢嗰度，借啲意又話要送番過嚟等等，總之就成日都煩住你，目的咪就係想見你一面！或者索性博畀你鬧一餐，咁佢哋就心滿意足啦！但如果見到你已經搵到新男友，咁就仲大件事，佢哋嘅騷擾行動就會變本加厲，記得有一次新男友嚟我屋企玩煮飯仔，佢一開始就打咗十幾個電話搵我，之後我熄電話，就發現門鐘不斷響，應門時就冇人，我開始覺得奇怪，唔通佢喺我樓下，正想打電話報警時，點知就有警察嚟到我屋企，話有街坊聽到有人叫救命，於是上嚟睇吓，我真係叫救命呀！條傻佬竟然唔怕死，玩到浪費警力呢招，心諗佢都過分，於是我又報警！」
大徹大悟
咁最後點呀？阿寶話：「警察咪落街巡咗個圈囉！搵唔到可疑人咪離開囉！於是我哋再繼續煮飯仔，當大家飲飽食醉之後，開始緊賽前熱身，正想再進一步時，門鐘又響，警察叔叔又話有人報案，於是上嚟睇吓，循例調查完後就離開，但今次唔只我火都嚟埋，連警察叔叔都一樣，於是佢離開後搵個地方躲起來，留意樓下有冇人不斷向我個單位張望，卒之畀佢發現到，於是當場捉住我舊男友，告佢浪費警力，但我哋都親熱唔成功，因為搵咗我哋返差館做證，本來好唔想指證佢，但畀佢繼續騷擾落去都唔係辦法，於是狠下心腸，一於做證人證明佢纏擾住我，最後罪名成立，判守行為，兼罸佢社會服務令，嚇佢一餐後，佢終於大徹大悟，唔敢再騷擾我，所以男人唔捨得，真係好煩！」
阿寶Profile
年齡：20歲
三圍：33-23-34
撰文：小德
攝影：阿程