一睇見乜乜Challenge係咪會諗起又玩乜乜挑戰籌款呢？講真，喺得呢版出現嘅都唔慌正經嘢啦！今期成人界有個「Black Bull Challenge」，細佬深信好多巴打想參加挑戰，可惜畀錢入場觀戰可以，要落場玩就Ladies Only！
講到咁白，睇怕都估到係淫亂派對啦，確實係派對，但舉辦單位「Porn4Net.com」強調絕非為淫亂而辦，目的係希望幫助有志加入脫星界男女，尤其係女士，可以更方便又快捷投身脫星行列，因而喺加拿大舉辦「Black Bull Challenge」（簡稱BBC）。咁點解唔喺美國搞？報稱係因為搞手Porno Mike喺加拿大有間The Porn Club，本身係一間夜總會，有囡囡陪坐之餘，更有艷舞騷睇，而阿Mike本身係四仔攝影師出身，喺業界台前幕後都撈過晒，十幾年資歷已達神枱級數，於2013年更做埋四仔經理人，專責發掘加拿大妹到歐美拍四仔搵食，簡直係男人最理想職業呀！行內行外都識咁多人，拍鹹片都好順理成章，之不過阿Mike份人比較低調，冇加入四仔廠做導演，只係安排一班素人「雜牌軍」製作自家四仔，再掟上網發售，好唔好搵得佢先知，但眼見呢兩年拍拍埋埋二百幾部四仔，售價由十幾美元起錶，應該都搵到餐晏食！
正所謂魚唔過塘唔肥，況且咁多人想跟佢搵食，阿Mike要做大個餅先夠分，據稱由上年開始，佢喺自己個場The Porn Club搞咗首個交換派對，歡迎各路男女參加換伴遊戲，由阿Mike擔當攝影師，記錄整個過程再掟上網收費下載，咁夠噱頭，梗係大把男女撐啦！而今年形式有啲轉變，雖然男女都可入場，但只限女士參加挑戰，而男主角就係阿Mike發掘嘅黑人男優、有「黑牛」之稱嘅Bishop Delonte。據官網介紹，呢位黑牛非常厲害，除咗做極唔射，更可以連環發炮，因此搞呢個挑戰活動，好等囡囡體驗何謂「星級高潮」，同時開放一個平台畀囡囡投身脫星界，至於阿Mike就從中拍片賺錢兼揀吓蟀。
活動鐵定10月16日晚8點準時開波，官方預計會有100名人士入場，幾多囡囡落場就無法預算，但就邀請到英國脫星Chessie Kay撐場，即場同「黑牛」執劑娛賓。另外，玩法仲分多種，首先每位落床女士要先畀500美元（約3,900港元）報名費，跟住按不同口味收費，簡單嘅男女大戰200美元（約1,560港元），顏噴300美元（約2,340港元）、前後門執劑400美元（約3,120港元），假如要喺眾目睽睽下玩BDSM，即綑綁愉虐，收費高達1,000美元（約7,800港元）。吓！咁咪即係貼錢買難受！如果想知參賽詳情，可以去呢個網http://thepornclubtoronto.com/home睇睇。
講到阿Mike咁堅，咁究竟佢旗下有幾多囡囡呢？坦白講，九成九都係素人，唯獨得一個佢捧到起朵嘅「人造人」加拿大Amy Anderssen有啲人氣，自稱1985年出生、現年30嘅Amy，5年前開始跟阿Mike喺夜場揾食，3年前過美國拍四仔，阿妹上下圍都經後天加工，上圍40HH，下圍都一樣，誇到咁，點會冇人唔識呢？
美國最多真人騷節目，其實類似淫妹性愛挑戰賽，四仔界早有發生，最為人熟悉係片廠Digital Playground嘅「DP Star」挑戰賽，分為一年一Season，集合旗下脫星參加不同性愛挑戰，勝出除咗有獎金，更可得到公司力捧，咪睇小呢個獎，好似上年勝出第一季嘅Eva Lovia，每次登入DP網站或社交網，第一位見到嘅脫星就係佢，仲有多套大製作擔正演出，想唔紅都難呀！
撰文：祖