日本AV女優總有引退嘅時候，不過引退之後有時又唔會完全消失，大家不時會見到其身影，而佢哋嘅工作有時亦同AV有莫大關係，好似潮吹女王紅音螢咁，引退後就擔任預防愛滋病大使，四處宣傳預防性病嘅訊息，仲成日教大家戴安全套嘅正確方法。除咗佢之外，仲有一位經典AV女神將會畀大家聽到佢把靚聲，就係有傳說中之美女稱號嘅小室友里喇。今年40歲嘅友里姐出道於1996年，當年風靡萬千AV迷，備受肯定，人氣同地位都相當高。2000年引退之後，據聞友里姐結婚生仔，而上年就開始以夜之性活相談員身份，頻密地上電視等媒體大談性經，講解男女點樣進行有趣味又安全嘅性生活，好快小室友里又會喺電台開咪繼續講性經，如果大家想留意呢位女神嘅最新動態，可以Click佢嘅個人專屬網頁www.komuro-yuri.com/。