刺激官能 有相又有文

K奶大震撼

日本AV界當中有位女優被稱為擁有「人類最強Body」，佢就係上圍達到K Cup嘅沖田杏梨喇。的而且確，杏梨上圍勁得咁緊要，喺AV界真係難有女優能夠同佢匹敵，之不過日本水着界當中不乏上圍勁爆之人，最近推出寫真集嘅岡田真由香就係其中一位喇。今年31歲嘅真由香出道以來憑其豐滿嘅肉感身材作為最大賣點，脹卜卜嘅上圍同樣達K Cup，喺水着界可謂誰「乳」爭鋒。喺佢最新嘅寫真集《Last Full Nude》當中，決定嚟個最後裸露，將三點完全呈現大家眼前，畀大家感受一下K奶喺無遮無掩之下能夠產生出幾大視覺震撼！加埋真由香一貫嘅風騷演繹方式，小心睇到流鼻血呀！

書名：《Last Full Nude》

售價：約HK$266

品味寫真集

將書名《Naked Fashion Girls》直譯為「裸體時尚女孩」，個名好鬼娘，但內容一啲都唔老套，仲睇到流晒口水，皆因你會發現呢班Model副偈有前有後，上圍比脫星更堅挺，下圍又夠渾圓滑溜，索到爆！佢哋露得又玩得，着衫有型格，仲有柔情同活潑一面，例如喺沙灘全裸曬太陽、喺梳化「吔」蕉同時自摸、喺花園沖涼兼淋花等，或者呢啲毋須擺甫士硬影，先係真正美麗與性感呀！全書128頁，有來自英美法德意國籍Model，佢哋嘅共通點係嫩口、性感兼大波。點解要出本咁嘅寫真？攝影師話市場上欠缺一本自由放任，有品味同時又色情嘅寫真集，至於做唔做到以上要求，就要大家睇過先知喇！

書名：《Naked Fashion Girls: Truly Beautiful & Sexy》

售價：約HK$191

睇圖學懂性

性呢樣嘢係咪AV咁簡單？梗係唔係啦！佢其實係人類文化嘅一部分，只係每當講到文化，都會覺得好悶又沒趣，但事實並非如此。著名性學家劉達臨夥拍中華性文化博物館執行館長胡宏霞推出嘅《別亂愛愛：讓♂男♀女臉紅心跳的圖解感官性愛書》，就以幾百張珍貴嘅圖片，包括性圖騰、春宮畫、房中術等，配合淺白易明嘅文字，以文化分析及講故事嘅方法，等大家可以既有趣又簡單咁明白乜嘢叫做性同埋認識性文化，唔使擔心睇到一半就眼瞓，兼且睇完都唔明佢講乜。全書共分為8個章節，分別為「人對世界的初始認識」、「神聖的性崇拜」、「婚姻與性」、「女子與性」、「充滿象徵意義的性器物」、「語言文字中的性象徵」、「宗教文化中的性象徵」同埋「中國古代房中術」，從文化起源、宗教、倫理以至生理等嘅角度，剖析性文化嘅內涵。睇完之後，大家可能會覺得自己有內涵咗！

書名：《別亂愛愛：讓♂男♀女臉紅心跳的圖解感官性愛書》

作者：劉達臨、胡宏霞

售價：約HK$72

撰文：賢、祖、魂