人生有幾多個十年？一般嚟講都係五六七個，但係日本AV界競爭激烈，AV女優就冇幾多個可以拍足十年，而AV廠亦冇幾多間能夠捱到十年以上壽命。是以，特攝AV廠GIGA今年踏入創立20周年就顯得相當難得，除咗推出猛片慶祝之外，仲同大家回顧吓呢廿個年頭入面有咩豐功偉績。
20年前大家做緊乜呢？小弟當時讀緊書，之不過已經人細鬼大，除咗鍾意睇卡通片之外，仲開始接觸日本AV，而睇第一部AV那年係1995年，亦正係知名AV廠GIGA創立嘅一年。提到GIGA呢間廠，大家一定會諗起電腦效果豐富耀眼，又有女優扮演戰隊以及女超人嘅特攝式AV作品。的而且確，業界嘅特攝式AV以GIGA為首，其他AV廠即使跟風製作，但其質素亦難以同GIGA媲美。之不過，原來GIGA創立初期唔係專拍特攝片，而係拍拷問系列，首部作品名為《女主角拷問》，主演嘅女優係櫻井舞，不過全片只係由其他女優向櫻井舞百般施虐，完全冇男優出現淫辱女優場面，皆因當年AV迷喜歡追求裸露場面，唔似得依家下下都要女優玩多P，仲要中出先收貨囉。
最近GIGA為咗紀念20周年而攝製嘅重頭作《美少女戰士Sailorlegend V》前編及後編，搵嚟5位女優參與演出，雖然佢哋都唔係人氣高企嘅女優，但係經GIGA精心製作，加上由知名監督坂田徹一手炮製，作品絕對精彩，值得欣賞。
坂田徹同式正義於1998年加入GIGA，兩位家陣已經成為不可或缺嘅AV監督，之後廠方嘅出品漸漸多元化兼具特色，於1999年GIGA賴以成名嘅戰隊系列終於誕生喇！呢個系列作品同大家細細個睇嘅特攝片集如《恐龍戰隊》非常相似，不過主角係AV女優，佢哋穿上色彩鮮艷奪目嘅緊身戰衣同怪獸先打拳頭交，再玩大濫交，睇落真係抵死又過癮。及後由戰隊系列發展至魔法美少女系列及倣效美國經典漫畫《超人》嘅女超人系列。到2008年，GIGA隆重推出觸手系列，將糅合最新科技製作嘅靈活觸手引入AV拍攝當中，讓大家可以睇到女優被觸手百般玩弄場面。
女優又扮戰隊又扮超人，梗係需要好多Cosplay服裝，為咗唔好浪費一批女優着過嘅特別戲服，GIGA於2004年開設「女主角特攝研究所」門市部，讓AV迷可以購買一系列戲服返屋企收藏。
呢廿年來GIGA一直為AV迷帶來無限驚喜，多次創AV界先河，其他AV廠嘅作品都係受其啟發，影響深遠。不過個人認為，GIGA除咗造福AV迷，亦造福好多AV女優，G廠鮮有收容專屬女優，所用嘅大部分都係二三線囡囡，一來可以節省成本，二來呢類人氣唔太高嘅女優肯捱肯搏，拍特攝片又要打鬥又要畀人凌辱到花容失色，就最適合搵佢哋演出喇。正因為咁，GIGA成為好多失意以及人氣低落嘅女優過冷河之地，畀佢哋有機會繼續拍AV搵錢，靜待突圍機會。
撰文：賢