從事邊一行都好，最重要係識得用腦諗橋搵食，諗到一條創新好橋自然吸引到顧客。而講到諗橋叻，除咗日本AV廠SOD之外，桃太郎映像一樣出色，最近佢搞咗好多抵死又極具創意嘅花臣，既能夠畀AV迷參與，亦能夠提升AV質素，抵讚！
由於工作關係，小弟幾乎每一日都要上網搵料，特別要花時間瀏覽多個日本AV廠嘅官方網頁，如果唔係點樣收集最新最快嘅AV情報為大家報道呢！最近小弟就有大發現，原來老牌AV廠桃太郎映像竟然開咗一間風俗店叫「桃太樓」！小弟素知日本AV集團不嬲都同風俗業界關係密切，好似SOD集團就開咗個風俗情趣網站，為大家提供最潮風俗資訊，之但係AV廠開風俗店就真係聞所未聞。見桃太樓嘅網頁同其他風俗店網頁一樣，介紹每個時段嘅收費，以及旗下有咩囡囡。咦喂！乜班囡囡咁熟口面嘅，佢哋個個都係有名有姓嘅AV女優嚟喎，莫非廠方真係咁把炮，能夠搵到班囡囡直接下海賣肉？哦！明白晒！原來呢間桃太樓其實只係桃太郎映像嘅噱頭之作，以風俗店形式嚟介紹旗下出品嘅陪浴孃AV系列而已，手法又幾有創意喎！
人體各個骨骼關節都有好多條筋腱連接，唔知大家有冇聽過美人筋呢？美人筋只會於女仔身上搵到，不過並唔會經常出現被人見到。其實日本人稱嘅美人筋，即係女仔着住底褲或比堅尼時，因褲仔太緊，搞到下體現形，此情此景好似兩條粗壯肌肉咁，於是就稱為美人筋，英文叫Camel Toe。最近，桃太郎映像就舉行咗一個名為「日本一美人筋選舉」，只要大家Click上http://www.indies-av.co.jp/special/1504Special_002/?=big就可以投票喇。咁有幾多條美人筋可以選擇呢？有7條咁多，分別來自7位曾經幫桃太郎拍過AV嘅女優，包括成宮琉璃、久我花音、葵野真鈴、步美翼、瞳、雛乃以及春日久瑠美，只要大家去到上述網站就可以睇到呢班佳麗嘅寫真照以及畀人玩弄美人筋嘅情況，睇完記得投下神聖一票呀！
桃太郎映像除咗搞「桃太樓」以及「日本一美人筋選舉」，原來之前仲有一個叫做「D-1最高獎」嘅比賽。呢個比賽目的係提拔新一代AV監督，參加者先經過初步挑選，然後由桃太郎安排佢哋照自己嘅概念拍攝AV，而每一部AV可以使用嘅預算都有規定。經過一番努力，眾多新秀監督嘅作品已經上市，由AV迷透過AV銷售網站DMM投票選出最佳作品，得獎名單將於7月31日公布，到時結果自有分曉。不過，話時話，AV監督亦可以話係一部AV嘅靈魂，桃太郎咁難得搞咗個新秀監督比賽，好應該大事宣揚，做乜搞到家陣先喺自己個官方網頁宣傳呀！
撰文：賢