家陣嘅人真係要求高，要佢有外有內，又唔想佢太過吸引，搞到其他人同自己爭，其實世事又點會咁完美呢？咪以為喺度講緊女，查實係講搵食咋！家陣嘅食店只要稍為好味啲，環境又好啲，外面就排晒長龍，你話搵食係咪好艱難吖！
咪以為枱底嘢冇人知，一個唔覺意就乜嘢都揚晒出嚟！好似早排台灣有網民喺個主題樂園內，拍到個長髮女郎偷偷地喺枱底下玩弄男友隻雀仔，你話係咪好沙膽？話說早前有網民上載咗條長14秒嘅短片，據稱條片喺台中一間樂園拍攝，只見片中僅着住條海灘褲嘅男人正趴喺枱休息，而佢身邊嘅長髮女郎卻伸出右手，喺枱底下偷偷咁隔褲玩弄佢隻雀仔，仲要邊玩邊打呵欠。條片甫推出即引嚟幾千名網民熱議，主要嘅話題梗係圍繞喺女主角唔應該咁做啦！不過有網民卻認為佢可能學緊棍波車，只不過把握時間練轉波，亦有網民深入剖析片中男主角心情，究竟喺度偷笑定尷尬。
如果見到一個身穿性感比堅尼嘅青春俄妹行過，唔知大家會唔會望吓佢呢？若然係呢位今年23歲嘅Natalia Trukhina嘅話，相信就算佢剝光豬大家都唔敢望多幾眼，皆因隨時有畀佢擰斷條頸嘅可能。事關身高5呎5吋嘅佢不但擁有粗達17吋二頭肌，仲要係位專業舉重運動員，兼且喺多個舉重比賽中得到冠軍，而佢最近上載條徒手摺埋平底鑊嘅短片上YouTube後，更被封為大力女神！不過對於呢個稱呼，Natalia卻唔係咁受落，皆因佢自稱細個時係因身體瘦弱而去練健身，本身其實係個好斯文嘅女仔，又話練成家陣身形後經常畀人笑，搞到佢相當困擾。
一個原本老少咸宜嘅氣球，竟然令大家見到都面紅紅！話說最近外國有人從網上訂購咗一個迪士尼電影《大英雄聯盟》中角色醫神（Baymax）嘅氣球，殊不知佢收到貨後，即時嬲到要喺外國討論網站Reddit上投訴：「製造商就唔可以幫呢個玩具搵到一個更好嘅吹氣窿咩？」佢之所以咁扯火，原來呢個氣球雖然擁有一個可愛嘅外形，但佢嘅吹氣窿不但位於兩隻腳之間，仲要長長咁伸咗出嚟，驟眼望落去以為佢變咗個堂堂男子漢，你話佢點可能唔扯火呢？不過有網民就撥火問：「係咪因為咁，所以你先至幫佢吹氣呢？」睇到呢個問題，相信氣球嘅主人唔知好嬲定好笑。
撰文：魂