松川佑依子 金融出索女

柔情雪肌

相信唔少年輕人都發過明星夢，夢想自己加入娛樂圈之後順風順水、大紅大紫，之不過佢哋發夢嘅同時，卻冇諗過成名之路下面墊咗好多失敗嘅例子。喺日本水着界發展亦一樣，每年出道嘅水着妹不知凡幾，當中不少令人驚艷，但成功惹人注目，繼而持續發展直至成功上位，如原幹惠同綾瀨遙一樣嘅真係冇幾多個。即使好似松川佑依子咁優質，都要打兩份工嚟保障收入。25歲嘅佑依子氣質斯文，秀雅中帶點柔弱，一派柔情似水咁款，令任何男子漢都甘願由百煉鋼化成繞指柔。佑依子肌膚雪白鮮嫩，仲要晶瑩剔透，吸引指數高企。加上佑依子身材婀娜勻稱，令整體綻放誘人光芒。

惡女特質？

佑依子讀大學時候，已經以素人模特兒身份到多本時裝雜誌兼職，後來為一個專門搵孖辮美少女嘅網站「日本孖辮協會」拍咗幾輯寫真，公開之後，佑依子可愛嘅孖辮形象迅速吸引大量網民支持，人氣火速上升！阿妹大學畢業，就進身金融界成為一間證券行嘅OL，工作之餘亦冇忘記做模特兒，上年仲登陸水着界，推出首隻個人寫真DVD《OL之有薪假期》。當中，佑依子憑住秀雅形象及姣好身段而令作品備受好評，寫真工作接踵而至。咁忙阿妹咪冇時間拍拖囉！她表示自己單身已兩年多，近期仲好似少咗男人埋身，原因可能係被人誤會係惡女喎。今年2月佑依子主演嘅電影《TERRACE HOUSE CLOSING DOOR》上映，當中演繹一個霸道嘅女朋友，唔知係咪演得入木三分，有人覺得佢真係惡女一名。

個人博客

從松川佑依子嘅博客可以得知，阿妹認真係胸襟廣闊，除咗因為佢的確幾好波，仲因為佢經常上載大露酥胸嘅性感寫真畀大家睇，將其飽滿C奶無私咁公開。

網址：http://ameblo.jp/matsukawa-yuiko/

松川佑依子Profile

年齡：25歲

身高：5呎4吋

三圍：33C-23-34

撰文：賢