可能係中國地大人多，因而索女亦零舍多關係，否則又點會有咁多性感迷人嘅模特兒湧現呢？呢位內地新進嫩模麻吉小兔子就係其中一位。全身上下綻放着青春魅力嘅佢，身材更係玲瓏浮凸，配合埋雪白嘅嬌膚，絕對係賞心悅目嘅模特兒界養眼新星！
究竟呢位麻吉小兔子原名係乜嘢呢？唔好意思，由於佢真係太過新關係，故此資料實在有限。事關呢位英文名叫Rubby嘅嫩模，現年18歲，喺今年3月初先至出道。不過喺內地咁大嘅市場中，每日都有唔少新進模特兒出現，點解佢會畀人留意到呢？理由有二。首先，係佢嘅外形絕對冇得彈。標致嘅五官加上甜美嘅樣貌，單憑個樣已經可以迷倒唔少人，更何況佢擁有前凸後趷嘅身材，尤其係一對車頭燈，更係令人有眼前一亮。其次，在於佢出色嘅市場策略。須知道大家見到如此迷人嘅模特兒時，總會想第一時間知道佢更多嘅資料，只係佢卻大玩神秘之餘，更改咗一個極具個性又相當易記嘅藝名。以佢咁出眾嘅天賦條件，加上吊人胃口嘅策略，試問又點可能唔令人留下深刻嘅印象呢？
雖然佢出道至今只不過係三個幾月，就成為網民熱話，真係唔可以唔佩服佢嘅自信同膽識。皆因佢出道作，就係一輯相當火辣嘅內衣寫真，不但完美展現佢誘人嘅身材曲線，迷人嘅車頭燈更係令人着迷。不過講到重頭戲，卻係佢跟住落嚟嘅一輯浴室寫真，呢次佢索性虛掩雙峰，更添無比嘅誘惑，難怪會成為大家嘅話題。此外，咪睇佢出道不過短短時間，就以為經驗唔多，查實佢已經先後做過多個平面廣告嘅模特兒之餘，又以Show Girl身份現身於唔同嘅商品展銷會。當然，若然要講佢嘅成就，對於一位出道咁短日子嘅模特兒嚟講，縱然佢有幾出眾嘅本錢，都未免太過強人所難，希望佢未來嘅發展能夠愈嚟愈好，畀大家欣賞到佢更出色嘅作品啦！
麻吉小兔子中嘅麻吉係乜嘢意思呢？其實呢個詞語源自台灣，佢哋將Match呢個英文直接叫做麻吉，意思係指配合度好高，通常用喺好好嘅朋友上。唔知呢位新進嫩模改呢個名嘅目的，係咪想同粉絲做好朋友，定係話佢好就得人呢？
網址：weibo.com/u/5517211897
出生地：湖北武漢
身高：163cm
三圍：33、23、34
撰文：魂