極速約會（Speed Dating）原意為結識異性，但係由脫星舉辦嘅約會活動，就變成邊識女邊(目及)女嘅盛事，係咪好興奮呢？至於呢個活動最開心一定係Annie Cruz，因為佢一吹雞，型男索女紛紛出席撐場，遲吓仲會巡迴全國舉行活動，可謂豬籠入水！
食腦嘅脫星識得利用互聯網搵銀，例如同網友玩Live Chat、搞個人網站收會費，甚至推出個人肖像產品，咁就賺大錢好威水？未算，識得利用個人名氣、業界人脈，加埋天下寂寞的心，三樣結合埋一齊搞活動嚟「Cap水」，咁先叫高招呀！
呢期無人夠Annie Cruz醒目，唔識阿妹好正常，因為佢唔靚，身材又唔算正，只係床上夠淫蕩，對手男女不拘，表現夠癲夠喪。但係阿妹識食腦，一方面「逢四必拍」保持曝光率，另一方面借四仔界人脈搵銀，佢鐵定於4月25日喺洛杉磯親自主理極速約會活動，歡迎男女報名參加。為增加娛樂性，Annie姐請咗好多有分量人物出席，好似自稱Dr. D嘅型男就係佢拍檔，呢件型男有型之外，仲係健身教練，更有多年擔任極速約會主持經驗，我係參加者都想識佢囉！有成人傳媒爆料話Dr.D原來係Annie姐嘅男友，果然係有錢齊齊搵！
話時話，極速約會同脫星及健身教練有乜關係？莫非佢哋搞配對成功率會高啲，還是活動另有目的呢？從官網所見，呢個約會活動名額只限男女各20名，須年滿21歲或以上，而獨家贊助商係安全套品牌SnatchCondoms，報道指呢間公司都係Annie姐嘅，咁大家覺得究竟約會目的係識女定食女呢？
自己唔靚無所謂，只要姊妹靚咪得囉！Annie姐請嚟好姊妹型格索妹Ash Hollywood、辣妹Kaylani Lei及女神Ela Darling三件正妹幫手做主持，各司其職帶領當晚活動。索到震嘅Ela Darling喺四仔界打滾三年多，一直玩「騷勞」為主，男女都想同佢過兩招；Ash Hollywood就更加唔使講，Hardcore到冇朋友，若然能夠同阿妹近距離接觸，真係此生無憾！
仲有，Annie姐發畀傳媒嘅新聞稿都夠曖昧，雖然佢完全冇提及約會活動有性愛，不過佢表明每位參加者獲贈一個安全套，每對男女有3分鐘時間認識對方，現場免費提供酒精飲品。咪怪細佬心邪，個人認為根本係一個淫亂派對，只不過Annie姐識得包裝後推出市場，睇嚟呢種玩法喺四仔界將會愈來愈普遍囉！
撰文：祖