究竟係阿妹年少氣盛定大公司強權打壓？睇怕只有局內人先知。被喻為最有潛質辣妹Remy LaCroix，早前加盟片廠ArchAngel，點知三個月未夠，雙方就鬧翻咗，更解除合約，阿妹嬲到爆！
事態發展確實嚟得太突然，話說片廠ArchAngel喺官網表示同Remy LaCroix解約，初時大家都懷疑係炒作新聞而已，但有成人網站爆料，指導火線係導演MimeFreak不滿Remy嘅工作態度，兩人喺片場嘈交，結果廠方怒炒阿妹。然而，又有網站報道話Remy覺得自己不獲重用，被投閒置散，於是向公司高層投訴，最後雙方協議解約！
而綜合多個成人討論區嘅談論，巴打最關心嘅唔係片廠同Remy妹關係如何，而係最想知道阿妹幾時有新片推出，以及阿妹下一站去邊度開工。之不過，收料似乎有啲難度，連傳媒追問有關人士，大家都封口不答。好似由Tori Black負責執導嘅《Remy's Angel》，呢套大作由Remy LaCroix擔正，本來話6月派街，可惜自解約消息一出，呢套片有冇機會見街都冇人知。傳媒問Tori姐情況，佢只喺Twitter話明白每個脫星面對嘅工作困難，尊重每人嘅決定喎！講咗等於冇講。
睇怕要知道真相，除非係ArchAngel同Remy當面對質先會知道，但可以肯定嘅係，片廠無任何損失，繼續有四仔出街；反之Remy就日日等運到，從佢嘅社交網站所見，阿妹終日無所事事，由以往Po相都係同四仔工作有關，但依家就只有同好友聚會嘅相片，再唔係就影吓屋企啲貓狗，睇嚟佢真係Dry都爆。另外，佢喺網站「Juliland」寫Blog，近日已不談工作，竟然係同大家講飲講食，更分享10款佢最撚手嘅菜式，究竟係阿妹想放個長假抖抖，定係根本無工開，相信佢自己最清楚啦！
話時話，今年26歲嘅Remy性格惡頂大家都知，之所以忍佢，無非係佢夠本事，阿妹於2011年入行，2013年喺AVN Award捧走Best New Starlet及Best Tease Performance兩個獎項，同年喺XCRO Award攞埋New Starlet獎，之後連續幾年喺多個頒獎禮捧走Best Actress大獎，多年嚟獲獎無數，難怪Remy當正自己係大家姐，今次受少少教訓，希望阿妹學識收斂啦！
Remy妹加盟ArchAngel初時，原先計劃推出8部大作，當中4套係個人作品，可惜最後搞到不歡而散，至今只推出咗《My Face》、《My Ass》以及《True Lust》，消息更指頭兩部作品都係由阿妹擔正，但只得《My Face》做封面，嬲到Remy爆炸。
撰文：祖
相片來源：互聯網