電影《復仇者聯盟2：奧創紀元》上畫咁耐，美國四仔界就抽水咁耐，之但係原來仲未玩夠，事關美國情趣用品Doc Johnson嗰邊先開始湊熱鬧，食水尾推出超級英雄棒，雖然佢哋冇標明同官方有關，但明眼人一睇就知佢哋想抽水，而網友反應一致畀Like，自認「粉絲」點都要買個看吓門口啦！
名稱：Super Hung Heroes Captain Cxxk
售價：約HK$312
扮美國隊長棒，大名叫Captain Cxxk，全藍色長達24cm震棒，可進入長度為21cm，棒身最粗直徑為4cm，官方報稱採用最高級別嘅Platinum Premium Silicone有機矽膠製造，防過敏，表面光滑，更完全防水。至於「隊長棒」過癮之處當然係棒頭大大個「C」字及中間嗰粒星，夠晒代表性，幻想同美國隊長搞嘢係咪會High啲呢？
名稱：Super Hung Heroes The Hammer Dildo
售價：約HK$312
數到最似樣，一定係雷神嗰個神錘啦！Doc Johnson完全將佢「移植」為女性玩具，全長22cm，可進入長度為15cm，最粗直徑為4.5cm，啱晒重口味玩家呀！大鐵錘同樣使用矽膠製造，因此攞上手一啲都唔覺重，而且夠彈性，任屈任扭，用嚟進擊外，仲可以用嚟打屁股，多添一種樂趣！
自電影《復仇者聯盟2》上畫後，歐美網友鍾意將坊間嘅性玩具加入超級英雄元素，惡搞成情趣用品，而數到最令人期待，一定係呢位網友sarmai「設計」嘅復仇震棒，師兄將市場極受歡迎嘅震棒加入復仇者特徵，幾乎所有網友睇過都讚靚，假如推出市場真係賣斷市呀！
撰文：祖
相片來源：互聯網