家陣嘅模特兒唔單止要講求有出色嘅外在條件，仲要有鮮明嘅個人形象，先至可以吸引到大家嘅目光。不過對內地著名嘅嫩模吳梓嫣嚟講，佢卻非憑單一形象深得大家歡心，仲以百變形象而深入民心，不論動或靜嘅角色放喺佢身上，都能散發出令人目眩嘅美態。
出生於江蘇嘅嫩模吳梓嫣，英文名叫Kiti或Crazy，另外佢仲有彤彤嘅昵稱，當然，咁多個名都唔及得上佢33、24、34火辣身材咁令人印象深刻。雖然佢從事模特兒工作，但可以肯定佢嘅目標並非僅止於此，而係希望有朝一日能踏足演藝界。事關睇番佢嘅履歷表時，會發現佢喺廣西藝術學校音樂系畢業後，再入讀上海戲劇學院表演進修班，充足嘅準備培養出出色嘅演技同歌唱技巧，並喺2009年先後於平面模特兒大賽中獲得新秀獎，又喺天山雪歌唱比賽中得到二等獎，其後又喺2011年深圳舉辦嘅國際聖誕天使大賽華東賽區選拔賽中獲得亞軍，實屬一位有內在又有外在嘅索女。難怪自佢出道以嚟，頻頻為唔少手機同網絡遊戲性感代言，人氣亦隨之而急升，甚至被網友給予國民娃娃、甜心教主、性感女神等稱號。
雖然佢選美同唱歌都相當擅長，但講到佢嘅模特兒事業就更加出色，尤其係喺2011年為一隻網絡武俠遊戲所拍攝嘅一輯性感寫真，令佢成為網上風頭躉。事緣遊戲商為咗令照片更加吸引，除咗着令佢要賣弄性感之餘，仲喺佢身上寫咗多段情話，化身成既性感又感性嘅人肉情書。當呢輯火辣寫真發布後，即時引嚟網友哄動，不但佩服當中嘅創意，更對梓嫣迷人嘅身材着迷不已，加上網絡迅速嘅傳播能力，據聞呢輯寫真嘅下載率高達50萬次，呢個事件被稱之為「肉體情書門」！如此聲勢固然驚人，對佢嘅發展帶嚟深遠嘅影響，從遊戲代言、雜誌寫真到展銷會等活動上頻頻見到佢嘅身影。不過，擁有演技同歌喉嘅佢，又點會局限自己於模特兒嘅身份呢？
吳梓嫣嘅演技同歌喉係點，我哋暫時仲未有機會欣賞得到，只係講到佢玲瓏浮凸嘅身材，同埋修長嘅美腿就隨時都有得睇。事關喺佢嘅個人微博上，不僅經常上載靚相，仲有佢最新近況同樣可以即時睇到。
網址：weibo.com/wuyanxuan
出生地：江蘇
身高：165cm
三圍：33、24、34
撰文：魂