近期有報道指港女嫁予內地男嘅數字持續上升，有人話係港女嫌港男冇用所致，小弟就覺得家家有求，港男又何嘗唔係覺得港女唔適合做老婆呢？至於點先算係好老婆？最適合嘅樣辦就有一個喺大家眼前，佢就係杉本有美喇！
日本水着妹樣靚身材正就人所共知，要從中搵個身材激凸嘅女優嚟欣賞可謂話咁易，但若然希望搵一個真正絕色美人嘅女優則冇幾多個，長腿妖姬池田夏希算係一個，杉本有美就係另外一個。杉本有美人如其名，有沉魚落雁之容，其五官標致，氣質高貴、綺麗脫俗，第一眼見到佢直覺猶如仙女下凡一樣令人驚艷，一顰一笑都散發出驚人魅力，個人覺得佢帶畀大家嘅感覺有少少似經典水着女神宮澤里惠添。如果將兩者相比，有美仲比女神更高挑，因為接近5呎6吋，佢表示自己嘅家族全部都係高人，父親同哥哥都昂藏6呎，媽媽同家姐身高亦逾5呎7吋，有美喺家族當中算係最矮嘅一個喇。有美除咗身材高挑，豐滿上圍、修長美腿及雪白肌膚俱睇頭十足，如果可以娶佢做老婆就好喇！我唔係單睇外表，有美有外在美仲有內在美添！
杉本有美13歲就從事模特兒工作，成為唔少時尚雜誌嘅專屬模特兒，據聞只要搵佢做封面女郎，雜誌嘅銷量都會增加百分之十至二十，可見其受歡迎程度有幾高喇。做模特兒受歡迎，踏足電視圈亦一樣咁有人氣。2007年，有美由水着妹正式成為女演員，之後一年就演舞台劇，同年演出特撮電視劇集《炎神戰隊轟音者》，一般嘅戰隊成員都係五個，但製作單位就特別安排有美做第六個成員，係特撮片史上首次有咁嘅追加設定，而有美擔任嘅銀色女戰士亦係首創。近期有美繼續拍劇，《天使與惡魔-未解決事件匿名交涉課》就係其最新作品。提到交涉，年初有美就因為公司欠薪需要同前事務所交涉，跟住鬧上法庭，據聞雙方合作嘅四年，即2007至2011年期間，前事務所拖欠咗有美上千萬日圓人工。爭落你咁多錢家陣至追討，有美又真係幾好人喎，娶你做老婆的話家用遲幾年畀都得啦。娶佢做老婆仲有好處，其一係有美愛清茶淡飯，平日愛食豆製品同蔬菜，同時仲鍾意落廚，娶到佢真係有福喇！
杉本有美除咗鍾意落廚，仲鍾意養貓，喺佢嘅博客通常可以睇到佢上載愛貓照，愛貓人士不妨上去同佢交流養貓心得。
網址：http://ameblo.jp/sugimoto-yumi/
年齡：26歲
身高：5呎6吋
三圍：34C-23-34
撰文：賢