每次見到一啲養眼嘢、搞笑嘢同光怪陸離嘅嘢，都希望同巴打分享，就好似以下3則趣聞咁，既可眼界大開，又可以知多樣嘢，係咪抵同大家分享先？
家陣嘅女人怕生仔理由有好多，而擔心產後收唔番身就係其中一個。不過人氣美國模特兒Sarah Stage就證明，只要肯Keep住做運動，生完仔後可極速回復產前嘅魔鬼身材。今個月14日先誕下麟兒嘅佢，產後第4日就喺Instagram上載靚相，從佢身形睇嚟真係唔似生過仔。婦產科醫生Jennifer Ashton認為，Sarah之所以可以極速收身，皆因佢產前積極做運動同配合飲食控制，仲話如果按照呢個方法，就算生第二胎都唔會令身材走樣。不過你話外國人就唔驚啫，中國傳統都好緊張大肚婆懷孕期間嘅生活，呢樣唔做得，嗰樣又唔做得。只係睇番Sarah個仔重達8.71磅，個樣又咁精靈，睇嚟又好似幾信得過喎！
網上經常有啲疑幻疑真嘅都市傳聞，就好似日本有個傳聞指D-Cup車頭燈嘅手感，就好似坐喺一架時速60公里嘅車內，然後將手伸出窗外時所感受到嘅風壓一樣。估唔到日本影片製作公司東京倉庫株式會社，竟然真係搵嚟一位D-Cup模特兒做實驗，以科學方法測試呢個傳聞嘅真實性！佢哋先請呢位模特兒趴喺度，讓車頭燈吊吊揈時用儀器檢測佢哋嘅平均壓力。跟住再喺時速60公里嘅車上，將儀器伸出車窗外測試風壓。結果確係出人意表！事關經測試後，兩者嘅壓力相差無幾，換言之，「D-Cup手感」嘅傳聞係真嘅！有駕電單車嘅巴打聽到呢個消息後相當興奮，因為佢醒覺原來開到時速60公里時，佢全身上下都被D-Cup巨乳拍打緊。
呢期網上又瘋傳一條激戰片，雖然唔係好似香港早前嗰單嘢咁喺路邊發生，影得亦唔係咁清楚，但講到事發地點就肯定勁過佢！話說有位夜拍巴打於某晚途經莫斯科一幢大樓時，發現喺眾多黑暗嘅窗戶當中，唯獨一間房着咗燈不特止，仲見到有個女人緊貼玻璃窗喺度郁。當佢將鏡頭推埋去時，竟發現該女人背後有個男人喺度激烈推動中，仲引嚟唔少人拎手機出嚟影添！有人從片中推測，事發地點有可能係有「白宮」之稱嘅莫斯科國會大樓。經深入探究後，發現原來呢條片喺2013年拍攝。話時話，早前香港單嘢事發後幾粒鐘已經喺網上瘋傳，呢單嘢事發地點咁敏感，會唔會係當中另有內情呢？
撰文：魂