日本女星綾瀨遙憑住討好嘅美貌以及出色嘅演技，近年由水着妹成功躍身為一線女星。由於遙妹咁成功，令好多現役水着妹都希望學佢一樣由賣肉轉型為賣演技。不過，要學遙妹都要講資格，好似久松郁實咁無論樣貌、身材都同遙妹一樣就相當有優勢喇！
日本水着新人要成功上位，爭取廣大水着迷支持，生得一副嬌俏美貌以及姣好身段固然大有幫助，不過最好仲要生得似水着界天后級女優，咁先可以順利製造話題，借師姐嘅名氣博得大眾注目，好似H奶新人橘花凜就因為個樣似原幹惠而人氣火紅，今日為大家介紹嘅久松郁實都唔執輸，生得似綾瀨遙更加有着數啦。年僅18歲嘅久松郁實五官標致，青春秀麗，正統派美貌散發出一種異常吸引嘅端莊秀氣，感覺就同當年剛剛出道嘅綾瀨遙一樣，面帶清純而又充滿活力。綾瀨遙當年紅透水着界除咗因為靚女，豐滿身材都係賣點之一喎！呢一點郁實一樣似遙妹。身高5呎5吋同綾瀨遙身高相若，34D-23-34三圍亦係豐滿誘人，堪稱為魔鬼身材，且肉嫩而白滑，實在正到無得頂！
2008年久松郁實就因為生得標致可人，繼而喺潮人聖地原宿行行吓街被星探發掘，先後成為時尚雜誌《Hana*Chu→》以及《CanCam》嘅專屬模特兒，近年則以三愛泳衣代言人身份四圍做宣傳，喺上年以一襲低胸泳衣主持東京巨蛋一場職業球賽嘅開球禮，搞到個個觀眾飽覽胸光。見阿妹喺開球禮投球投得似模似樣，佢話自己一向好有運動細胞並且熱愛運動，每日起碼運動一小時，唔怪得身材咁弗，個樣又咁精神啦。除咗拍寫真，郁實亦憑合乎水準嘅演技而成為影視界嘅青春派演員，作品包括電影《攜帶彼氏》，電視劇《GTO》等，睇嚟真係能夠學綾瀨遙咁跳出水着界成為出色演員。郁實咁靚女又咁有前途，一定好多人追，而阿妹佢就話自己鍾意年紀比較大嘅叔叔型男人，話佢哋先能夠畀到自己安全感喎！郁實如果唔介意就等多我幾年啦，到時我就會變做阿叔喇。
年齡：18歲
身高：5呎5吋
三圍：34D-23-34
久松郁實同好多後生女一樣鍾意自拍，然後將照片放上博客，大家想睇到大量郁實嘅自拍性感照，可以Click上佢個博客慢慢睇。
網址：http://ameblo.jp/hisamatsu-ikumi/
撰文：賢