利物浦 李城 水晶宮今抵埗 紅軍新三叉戟強襲香港

英超亞洲盃將於周三(19日)及周六(22日)假香港大球場上演,繼西布朗昨午率先抵港後,其餘李斯特城、利物浦及水晶宮會於今晨及中午到埗,4隊參賽隊伍除小部分球員因傷缺席外,包括利物浦新三叉戟羅拔圖法明奴、菲臘比古天奴及穆罕默德沙拿等球星均會在香港球迷面前騷哥利,相信最高興的必定是已購票的粉絲了!

今年英超亞洲盃首次安排4支英超球隊參賽,在香港有眾多球迷的利物浦,昨日於官網公布來港的25人大軍名單,除了沙迪奧文尼留在英國治理膝傷外,可謂「夫添」出擊,包括貴價新兵穆罕默德沙拿。

法蘭迪保亞:目標係捧盃

至於球隊在港期間的宣傳活動可謂一浪接一浪,除了有現役球員出席新球衣發布會,以及公開操練外,亦有希比亞、科拿及魯殊等名宿參與足球推廣及商業活動。

日前在奧地利進行季前集訓的李斯特城,亦接近以強陣出擊,隊中除德國守將賀夫及法國中場南柏斯文迪沒有隨隊之外,其他如「華Dee」占美華迪、岡崎慎司、馬列斯、真禾特及門神卡斯柏舒米高等前季奪冠功臣均會來港,「狐狸」亦會於周中參與宣傳及球迷活動。至於水晶宮方面,據悉,球隊在香港的一切安排有待領隊法蘭迪保亞抵港後才能落實。

法蘭迪保亞來香港之前,接受球隊官網訪問,表明出戰今次英超亞洲盃,目標是要捧盃:「比賽就係要贏,無論有冇錦標都好,贏波個感覺係好好。」

水晶宮星期三晚比賽對利物浦,法蘭迪保亞表示,季前有機會同英超球隊踢熱身賽,是最好的備戰,能夠提升球員狀態,贏波捧盃亦可以增強球員信心:「利物浦擁有菲臘比古天奴同韋拿杜姆等高質素球員,我哋要交出最好表現,呢場波係對球隊一個好好嘅測試。」

何彥霆報道