巴打些牙：性伴多更健康？

雄性動物為咗令子孫繁衍昌盛，遺傳基因就可以廣泛流傳落去，好少會固定搵一隻雌性交配，而我哋男性人類好多都擁有呢種習性，故被指為濫交。之不過，性伴侶多又係咪真係壞事呢？最近有大學一項調查就予以否定。呢個調查搵嚟3,000位男士透露佢哋過去4年嘅性生活狀況，發現4年之內有20個以上性伴嘅男士，比起少於20個性伴嘅男士患上前列腺癌嘅機會減少三分之一，結果顯示性伴較多就較為健康。然而，結果一公布就受到不少人抨擊，癌症流行病學博士Mieke Van Hemelrijck表示對結果唔多認同，因為已知前列腺癌同年齡、家族史以及種族有關，暫時仲未有發現同性伴侶有關嘅數據，而且該調查亦冇計埋前列腺癌患者，若然佢哋大部分患病前都有眾多性伴侶的話，該調查結果就即係無用喇！照咁睇嚟，男士們唔可以用呢個理由四圍溝女喇！