性景遊:公路之上香艷處處

開車途中梗係要專心駕駛,先至係對自己同路人負責任嘅表現,只係唔少澳洲貨車司機卻表示,每次經過昆士蘭東部洛根市時,卻經常見到唔少香艷嘅場面。據佢哋講,裸體開車嘅女司機只不過係碎料,女伴為開緊車嘅男司機彎腰吹奏亦唔奇,最過分嘅竟然係見到有司機喺開車途中自娛!

當地警方表示呢啲過分嘅行為一啲都唔奇怪,皆因佢哋都見得多,而事實上除咗上述嘅香艷行為外,仲有唔少人喺開車途中刷牙同拔面毛。不過洛根市區域道路警員指揮部嘅一位官員提醒大家,喺當地邊開車邊曳曳可能會被罰款341澳幣(約2,332港元)或被法庭傳喚,至於危險駕駛則有機會面臨最高罰款3,400澳幣(約23,256港元),大家千祈咪亂嚟呀!

撰文:魂