巴打些牙：肉金下調

全世界性工作者嘅肉金都有下調現象出現！早前，美國嘅知名經濟報章就進行過一項大型調查，研究咗19萬份來自12個國家以及84個城市嘅性工作者資料，發現佢哋喺2014年內每小時賺取嘅肉金平均為260美元，相比起2006年嘅同類調查當中嘅平均340美元少咗成80美元咁多。照咁睇，依家性工作者嘅生活咪好淒涼？對此，調查負責人就予以否定，佢解釋因為現時科技發達，好多性工作者可以透過互聯網同手機Apps自己招客，增加收入，但同時間競爭大咗，令佢哋要減價吸客，故此囡囡肉金即使向下調亦一樣搵到食。