女士懷孕，為咗令B仔B女發育得更好，就不停進食同進補，早前就有公立醫院資深護士話，咁做絕對不利孕婦健康兼增加生產難度。計我話咁搞法仲會令媽媽產後身材同美貌都走晒樣添。之不過，走樣都唔緊要，最重要就學熊田曜子咁，生完個女之後積極瘦身，家陣佢副偈比以前更索更火辣呀！
係女仔都想嫁個好丈夫，搵到個好歸宿，做得女星就更加傾向釣番個金龜婿，以後可以喺屋企相夫教子，唔使再拋頭露面。之不過，呢個諗法喺日本藝能界唔係幾流行，好多女星結婚產子之後繼續工作，好似竹內結子、松田聖子就係好例子。而佢哋產後復出一樣明艷照人，風采不減當年，認真難得，至於難得嘅例子仲有曾紅極一時，貴為一代水着天后嘅熊田曜子。今年32歲嘅曜子2001年出道後人氣持續上升，所憑嘅除咗係五官鮮明，令人印象深刻嘅美貌，仲有佢一副魔鬼身材。身材高挑嘅曜子腰幼胸大，胸前嘅純天然F奶堅挺又美觀，故此贏得「史上最強美乳」嘅封號！2012年曜子宣告懷孕，上圍就由F-Cup激增到J-Cup。產後曜子積極瘦身，身材比出道初期更健美更結實，最難得嘅係佢個胸冇隨住身上嘅肥肉減少而縮細，仍然維持J-Cup分量，實在太勁喇！
曜子出道嘅過程都算幾曲折離奇。讀高中三年級嘅時候，見到雜誌《週刊少年》舉行選美活動，好可惜畀阿媽反對所以冇參加。不過，曜子對加入藝能界嘅決心冇消失，後來又見到雜誌《Audition》有選美活動，於是隻身走去面試，知道自己合格嘅曜子心情忐忑唔知點算好，咁啱當時阿媽去旅行就快回程嘅時候遇到風暴，需要遲幾日至返日本，曜子就趁機會參加埋餘下嘅選美程序，及後同事務所簽埋約至話畀阿媽知，實行先斬後奏。曜子雖然係忤逆咗阿媽，但係佢都唔錯得晒，因為人人都有權利追求夢想，而且佢唔加入藝能界，我哋都冇咁多火辣寫真可以欣賞。曜子憑住一對最強美乳以及陽光氣息而走紅，演出過無數嘅綜藝節目、電影同電視劇，成就可以話係水着妹當中少見咁高。2012年，曜子生完個女之後，工作一切如常，綜藝節目照做，寫真集亦照拍，如果要選日本第一辣媽，曜子一定當選。
曜子工作雖然忙，但係不時會同老公阿女四圍去，想知道曜子點樣享受家庭樂，可以Click上佢個博客。
網址：http://ameblo.jp/kuma45blo/
年齡：32歲
身高：5呎5吋
三圍：37J-23-33
撰文：賢