渡海濠情：啃老一族衣食豐足
美國有機構做咗個調查，對象係一批三十歲嘅青年男女，佢哋有兩成人仲同父母居住，當中更有六成係要靠父母經濟上接濟，呢啲被稱為「啃老族」嘅年輕人，估計數字仲會不斷上升，嚟自利澳水療嘅雅雅就話：「我都係啃老族！」
出國旅遊
雅雅話：「我啃嘅唔係父母，而係我啲乾爹，理由很簡單，因為我啲乾爹個個都比我親爹有錢囉！佢哋經常喺經濟上接濟我，有時簽卡數簽多咗，還唔到錢嘅時候，我就會搵佢哋幫手，佢哋都會乖乖幫我找數，而且我有一樣比年輕人優勝，就係唔使同佢哋住，但佢哋有時會嚟我屋企探我，但我屋企實在太細啦，所以我比較喜歡同乾爹一齊出國旅遊，我哋住親都係五星級酒店，得閒食吓好嘢，再唔係做吓Spa，輕輕鬆鬆過日子不知幾爽！」
互相尊重
你有冇試過激到佢哋唔再畀你啃呢？雅雅話：「我份人最聽話，點會激親佢哋呢！反而有次我哋玩得太激，搞到有個乾爹心臟病發入咗醫院，但你咪心邪呀！我哋只係玩快艇滑翔，佢驚我跌親至嚇到入院咋！其實同乜嘢人相處，最緊要互相尊重，我尊重佢哋，佢哋又尊重我，自然乜事都冇。奉勸所有啃老族朋友，你哋啃嘅雖然係親爹親媽，但都要互相尊重，咪擺出一副食硬佢哋嘅面口，咁至會啃得長久，否則親生嘅都冇情講，你哋就麻煩啦！」
雅雅Profile
年齡：21歲
三圍：34-23-34
撰文：小德
攝影：阿昌