世盃期間，內地唔少模特兒都會拍攝性感足球寶貝照片嚟為心愛嘅球隊打氣，兼且可以為自己宣傳一下，大家咪以為新人先至會咁做，今日介紹嘅靚女明星，佢出道十多年，更喺電視劇《射鵰英雄傳》飾演傻姑一角而大獲好評，今次都趁高興露兩手，佢就係黃小蕾！
嚟自重慶嘅黃小蕾，喺1999年考入北京電影學院，主攻表演系，所以要佢做戲可以話完全冇難度，2001年就接拍咗第一部電視劇，之後喺02年，更拍咗李亞鵬同周迅版嘅《射鵰英雄傳》，佢飾演「傻姑」一角，到黃曉明版嘅《神鵰俠侶》，佢獲邀再演「傻姑」一角，係少數連戲嘅演員，其演技深受好評，於是接連有影視作品搵佢做主角，足證小蕾喺影視界成績不俗。除咗專攻影視界外，原來佢都有染指模特兒界，周不時都會有作品推出，只要有需要，要小蕾拍攝性感寫真都冇問題，所以喺模特兒界亦十分吃得開，深受攝影師同廠商嘅歡迎。
黃小蕾可能自小練舞嘅關係，所以身材不俗，雖然唔係火爆，但佢懂得點樣優美地展現身形，將有限變為無限，例如將33吋嘅小饅頭，變為波濤洶湧巨無霸，令人流晒口水。講番小蕾跳舞，真係唔講得笑，12歲就開始喺成都嘅舞蹈專業學校學舞，一畢業就派去四川省歌舞劇院演出，仲隨團去過海外演出，更憑肚皮舞攞過海外舞蹈比賽嘅第一名，但佢諗嚟諗去，都係做戲好過跳舞，於是掛起舞鞋改行做演員，亦因為有咁嘅決定，大家至睇到小蕾咁多嘅優秀作品。今次小蕾食住世盃再度性感，有網友估計佢會大展拳腳，係就好啦！最好拍多啲噴血寫真，粉絲們一定支持！
簡介：在黃小蕾的官方微博內，有好多小蕾嘅私密照片，除咗性感照外，仲有好好多高抄嘅自拍照，不時將小蕾嘅完美身材展現，偶爾還有其他明星嘅艷照添！
網址：http://weibo.com/realhuangxiaolei
出生地：重慶萬州
三 圍：33-24-34
身 高：168cm
撰文：龍四海