美國一間市場調查公司指出，有四成女性胸部都有不同程度嘅變形，例如一大一細，一高一低等問題，而女土們亦經常戴錯胸圍，所以揀胸圍真係要試啱至好買，嚟自利澳水療嘅雨軒就話認真過揀老公呀!
雨軒話：「我身材唔算火爆，所以乜嘢胸圍，只要唔好緊到呼吸唔到，我都可以照穿照戴，但我有個表姐，佢上圍有成35吋，達G級，佢揀胸圍真係大陣仗，首先普通嘅胸圍佢一定戴唔到，所以一定要去大百貨公司嘅專櫃買至有佢嘅尺碼！但去專櫃買，亦未必啱身，因為我表姐個胸一邊大就一邊細，一邊高就一邊低，就算過千蚊嘅胸圍，佢都戴得唔舒服，後嚟要去啲度身訂造嘅胸圍店，至買到個啱佢身形嘅胸圍，你話煩唔煩？」
有時太大都幾煩惱！雨軒話：「冇錯！所以我從來都冇發夢，要求自己嘅胸部有咁大變咁大，而且我好好彩，識親嘅男朋友都冇乜缺乏母愛，唔追求豐乳巨胸，佢哋仲不時同我講，我嘅大小啱啱好，唔使弄虛作假，買啲乜嘢變形胸圍，我當然樂得自在啦！所以我從來都冇買胸圍嘅煩惱，但陪得姐妹買胸圍多，揀胸圍時真係要小心謹慎，有時仲要小心過揀老公，因為揀唔啱除咗金錢損失同肉體受苦之外，有可能令胸部變形，所以真係要小心！」
年齡：20歲
三圍：34-23-34
撰文：小德
攝影：阿昌
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
