- on.cc 東方互動主頁
- 4月21日 (一)
美國警方喺公共圖書館拉咗個賣淫少女，據報呢個囡囡只有廿歲，每日都會喺該圖書館出現，只要搵到獵物就會以字條兜搭，每次索價六十美元，唔少書友都捧過場，嚟自富城會嘅菲菲就話：「斯文讀書仔，我最喜歡！」
菲菲話：「呢個囡囡真係有腦，佢雖然拋個身出嚟賺錢，但佢都好識得揀客，如果學其他囡囡擺『街站』，兜搭嘅客人唔係地盤工人，就係中年大叔，但如果學佢咁喺圖書館搵食，客人九成都係斯斯文文嘅讀書仔，一來壓力冇咁大，二來大多數都係年輕人，自己都好過啲！加上佢開價唔貴，每次只收六十美元，好多年輕人消費得起，如果密食當三番，一日做佢四、五個，計落都幾和味，可惜被警方拉咗，否則佢單做回頭客都夠發！」
講到自己好有經驗咁樣，你喺圖書館搵過食？菲菲話：「食你個頭，我讀書時喺圖書館識過幾個男友，佢哋都不知幾好，知書識禮，溫文爾雅，做老公真係一流，而且個個都十分有潛質，前途無可限量，但可惜當時年紀細唔識諗，嫌佢哋做人太悶，有時送上門佢哋都冇嚟反應，所以最後都飛咗佢哋，搵啲啱玩嘅男仔。家陣佢哋個個都大學畢業，唔係做經理就係做主任，如果當年唔係咁貪玩，家陣經理太都有得做，所以識男仔記住喺圖書館呀！」
年齡：21歲
三圍：34-23-34
撰文：小德
攝影：阿德
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
