今日介紹一個嚟自台灣嘅靚女模特兒，佢叫童采萱，英文名YoYo，09年左右出道，目前係台灣一級腿模，佢嘅美腿寫真多到出幾本書都放唔晒，而且童采萱仲係少數被內地網友同宅男封為女神嘅台灣腿模。
采萱高中畢業後就入讀餐飲專業，諗住畢業後進軍餐飲界，由於佢着住套侍應制服十分搶眼，所以好快就有人搵佢出嚟做外拍模特兒，起初乜都唔識，經常撞板，但采萱勝在夠虛心，龍友們教佢嘅嘢，佢全部都記喺腦裏面，慢慢就由新人變為熟手技工，之後做埋騷女郎，出席吓車展同埋動漫展。由於采萱身材出眾，有168cm高，加上三圍應大就大，應小就小，一着上制服就特別搶眼，於是成為展覽場嘅大紅人，佢嗰陣時都未係好肯露，可能當時仲年輕啩，後嚟喺呢行日子漸久，發覺單靠制服誘惑很難長久，於是決定走埋性感路線，而采萱除咗胸大臀翹外，仲擁有一對40吋美腿，於是就做咗腿模！
台灣嘅腿模要求好高，除咗人靚身材好之外，雙腿仲一定要夠靚，唔係人人都做得到，所以報酬亦好高，拍一輯都幾和味吓，如果你當紅嘅一年拍幾輯，肯定豬籠入水，而且腿模喺台灣地位好高，連帶人氣都會急升。家陣采萱貴為一級腿模，收入當然唔講得笑，所以近年都比較少做展覽騷，但偶爾佢都會客串一下，着上制服回味昔日跑場嘅滋味，但廠商好識做，會替采萱度身做套露出美腿嘅制服，令佢嘅優點充分發揮，龍友當然舉腳贊成啦！采萱雖然咁紅，但佢比較少出席綜藝節目，且暫時未有咁嘅打算，因為佢做事比較認真，轉做綜藝明星難免要搞笑，佢話家陣仲努力學緊喎！
簡介：童采萱自09年出道開始，一直都有記錄佢嘅寫真作品，所以照片藏量十分豐富，其實佢淡妝真係好靚女吓，艷妝就另有一番味道，兩樣我都鍾意！
網址：https://facebook.com/tungyoyo
出生地：台灣
三 圍：36-23-34
身 高：168cm
撰文：龍四海