行街購物令人心情暢快，但係有時亦會令人有多少尷尬，例如女友突然月事來潮感到不適，做男友嘅除咗要準備暖水袋畀女方紓緩一下，可能仲要落街幫女友買M巾，認真尷尬！除此之外，為咗增加房事情趣，好多人都走入情趣用品店買幾件玩具同愛人玩吓，但若然畀熟人或其他街外人見到，感覺好尷尬！不過，類似情況喺澳洲布里斯班就冇尷尬喇！最近當地開咗一間情趣用品店，名叫Adult Emporium，採用汽車餐廳（Drive-Through）形式經營，即係客人揸架車入去，唔使落車就可以選購產品。該店除咗有現貨提供，更設有網站，顧客可預先喺網上訂購產品，十分方便。