正所謂香車配美人，好多巴打都以為揸架名貴跑車就一定會溝到女，但事實上又未必喎！據美國一個交友網站調查結果指出，有一半受訪女性對揸名貴跑車嘅男士，都抱有負面嘅評分，例如扮嘢、充大頭鬼等，其中56%女受訪者認為開跑車嘅男士既傲慢又自大，想用金錢嚟征服女性；有17%嘅女士認為揸名貴跑車嘅男士，嚴重缺乏安全感，一定唔會搵佢哋做男朋友；而最搞笑就係有37%女士認為男士買名貴跑車，只係為咗彌補自身某些缺憾而已。之但係，總有女士一見到名貴跑車就會着迷，據調查結果顯示，有20%嘅女受訪者會被名貴跑車吸引到。其實有20%都唔差，事關你開架「錢七」出嚟溝女，真係1%嘅成功機會都冇囉！家陣有兩成機會溝到女，仲算唔錯！所以有志買跑車追女仔嘅巴打，咪洩氣，希望在明天！